faydety-logo-text

تاريخ العملة المعدنية وتكلفة صناعة الجنيه المصري!

تاريخ النشر: 13 يناير 2022

طرائف وعجائب

تاريخ العملة المعدنية وتكلفة صناعة الجنيه المصري!

الجنيه المعدني بيتعمل من الصلب المطلي بالنحاس

بعد المقايضة بدأت الناس تفكر في حاجات قيّمة أكتر وينفع تعيش لفترات أطول علشان يشتروا بيها احتياجاتهم وكمان يقدروا يحوّشوها زي قطع الدهب والفضة، لكن بعد كده في ناس جالهم فكرة إنهم يعملوا عملات معدنية تسهل عليهم عملية البيع والشراء أكتر ويكون ليها شكل ووزن موحّدين.

 

 أول عملة معدنية في التاريخ

 

أول عملة كانت سنة 600 ق.م في مملكة ليديا -تركيا حاليًا- وكانت بتتصنع من مزيج الدهب والفضة والنحاس مع بعض وكانوا بيطبعوا عليها شارة الإمبراطورية ومن بعدها انتشرت فكرة العملات المعدنية في باقي البلاد اللي حوالين ليديا عن طريق التجارة.

 

 لغاية دلوقتي إحنا لسة بنستخدم العملات المعدنية كل يوم والسبب ورا ده إن لازم الفئات الصغيرة تكون من مادة تستحمل كترة التداول من إيد لإيد على عكس الفئات الكبيرة اللي مش بنتداولها كتير فبتكون من الورق.

 

اعرف أكتر عن الـ 10 جنيه الجديدة من هنا: بعد طرحها رسميًا: شوف شكل الـ 10 جنيه البلاستيك الجديدة

 

 تطور شكل العملات المعدنية

 

 في الأول كانت بس مجرد قطعة من المعدن بيتم تسخينها والدق عليها وبعدين بيتم دق الشارة الإمبراطورية، لكن بعد انتشارها بقى فيه مكابس مخصوص للعملات علشان توحّد شكلها وحجمها، وكانوا بيزخرفوا الجوانب علشان محدش يقدر يقشر (يكشط) أي أجزاء من الجوانب ويستعملها في عمل عملة جديدة.

 

أما أول شخص فكر يحط صورته على العملات المعدنية فكان الإسكندر الأكبر علشان يفتخر بإنجازاته، ومن بعدها انتشرت فكرة وضع صورة الحاكم على العملات المعدنية.

 

اقرأ كمان: ازاي تكسب من الفلوس النادرة، ومين بيقبل الفلوس المقطعة؟

 

العملات المعدنية في مصر

 

 وصلت العملات المعدنية مصر مع الإسكندر الأكبر وبدأ وقتها المصريين يتعاملوا بيها ، وأول عملة مصرية اتعملت كانت سنة 350 ق.م وكان اسمها "النوب نفر" ومعناها الذهب الخالص، ودايماً كانت العملات في مصر بتعكس حال الاقتصاد فيها، فإذا كانت العملة معمولة من الدهب فده معناه إن الاقتصاد مزدهر والعكس صحيح.

 

لغاية دلوقتي إحنا لسة بنستخدم العملات المعدنية كل يوم والسبب ورا ده إن لازم الفئات الصغيرة تكون من مادة تستحمل كترة التداول من إيد لإيد على عكس الفئات الكبيرة اللي مش بنتداولها كتير فبتكون ورقية.

 

الفلوس المعدنية:

 

 في معظم دول العالم بيتم صناعتها من النحاس والنيكل والزنك، وبتكون نسبة النحاس أعلى في الغالب، لكن في دول تانية بتستخدم الحديد العادي و الألومنيوم والكربون والقصدير وبعضها يستخدم الذهب.

 

لكن بالنسبة للجنيه المعدني المصري  فيتعمل من صلب مطلي بالنحاس "Cupronickel"  يعني نحاس نيكل، والفضة ما بتدخلش في صناعته.

 

الجنيه المعدني المصري بيتعمل من ايه وبيتكلف كام؟

 

رئيس مصلحة سك العملة قال قبل كده إن الجنيه المعدني بيتعمل من الصلب المطلي بالنحاس ونفس اللي بيتعمل بيه العملة الإنجليزية، وكمان الجنيه المعدني بيتكلف ما بين 90 لـ 95 قرش.

 

أما الجنيه المصري فممكن تعرف تفاصيل عنه من هنا، نبذة تاريخية عن الجنيه المصري.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط