faydety-logo-text

6 فروقات بين الدهب عيار 14 وعيار 18 غير السعر

تاريخ النشر: 26 يونيو 2022

عالم المال

6 فروقات بين الدهب عيار 14 وعيار 18 غير السعر

سعر الذهب عيار 14 قيراط بـ643 جنيه

بعد الطرح الرسمي لعيار 14 في السوق المصري، فايدتي هتقولك على الفرق بين عيار 14 وعيار 18 وايه هي مميزات وعيوب الدهب عيار 14 وهل الفرق مابينهم بس في السعر؟ 

 

خلينا نقولك في البداية إن شعبة المشغولات الذهبية باتحاد الغرف التجارية طرحت رسميًا عيار 14 بالأسواق والسبب الرئيسي علشان تكافح غلاء سعر الدهب، والدهب عيار 14 حقق بالفعل نجاح كبير في دول مختلفة زي إيطاليا وتركيا.

 

اعرف ازاي تحسب مصنعية الذهب من هنا: احسب مصنعية الذهب 2022 من غير ما يتضحك عليك

 

معلومات عن دهب عيار 14

 

بيكون الذهب عيار 14 مخلوط بمعادن أخرى لأن الذهب الخالص ناعم الملمس ويمكن خدشه بسهولة إلى جانب لونه الأقرب إلى البرتقالي "الأحمر النحاسي".

 

ايه الفرق بين عيار 14 وعيار 18؟

 

لو جرام الذهب إذا قمنا اتقسم لـ 24 جزء فهنلاقي إن في عيار 18 يتكون الـ24 جزء من "18 جزء ذهب خالص و6 أجزاء معادن أخرى زي الذهب الأبيض والبلاديوم مثلًا".

لكن في الدهب عيار 14 هنلاقي إن 10 أجزاء معادن أخرى، علشان كدا عيار 18 يحتوى على 75% من الذهب الخالص، أما عيار 14 يتكون من نسبة 58.3% من الذهب الخالص.

 

ايه هي مميزات الدهب عيار 14؟

 

1- الدهب عيار 14 صلب وذوقه مميز ومنتشر في أمريكا وبريطانيا والغرب عمومًا.

2- أقرب إلى اللون الذهبي المعروف عند الجمهور.

3- لو ماتعرفش خلينا نقولك إن عيار 14 بيمثل حوالي 90% من مشتريات الأمريكيين لخواتم الخطوبة.

 

يعني إيه استثمار في الدهب؟

 

ايه هي عيوب دهب 14؟

 

4- رونقه أقل من عيار 18 بشوية.

5- نقاء الدهب لعيار 18 أعلى من عيار 14 علشان كدا ناس كتير بتفضل تشتري عيار 18 لأن مستوى نقاء الذهب العالي بيخليه أقل احتمالية للتسبب في حساسية الجلد خاصة لأصحاب البشرة اللي بتتأثر بسرعة.

6- من عيوب دهب 18 لما نيجي نقارنه بدهب 14 إن دهب 18 ناعم وسهل الخدش وسعره كمان غالي.

 

تشتري ايه دهب عيار 14 ولا 18؟

 

زي ما قولنالك عيوب ومميزات كل عيار منهم فلازم تشوف المناسب ليك من حيث الميزانية وطبيعة حياتك وتخلي بالك في الفرق في الرونق والمتانة وسرعة الخدش وتشوف الأنسب ليك.

 

أسعار الدهب اليوم 26 يوليو 2022

 

  • سعر الذهب عيار 24 قيراط بـ  1103 جنيه.
  • سعر الذهب عيار 22 قيراط بـ 1011 جنيه.
  • سعر الذهب عيار 21 قيراط بـ965 جنيه.
  • سعر الذهب عيار 18 قيراط بـ827 جنيه.
  • سعر الذهب عيار 14 قيراط بـ643 جنيه.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط