faydety-logo-text

كم راتب محمد صلاح الجديد بعد التجديد مع ليفربول؟

تاريخ النشر: 05 أبريل 2022

قاموس الفلوس

كم راتب محمد صلاح الجديد بعد التجديد مع ليفربول؟

قيمة عقد محمد صلاح كبيرة لكن مش زي ما طلب قبل كدا

محمد صلاح هيجدد لفريق ليفربول الإنجليزي ولا هيروح لفريق تاني؟ دا السؤال اللي ناس كتير بتسأله الفترة الأخيرة خاصة إن مفيش حاجة رسمية لغاية دلوقتي لكن صحيفة ميرور الإنجليزية كشفت الأيام الأخيرة على مستجدات الموضوع دا.

 

"ميرور" قالت إن صلاح هيجدد مع ليفربول وكشفت عن قيمة عقد الفرعون المصري بعد ما وافق على تخفيض طلباته المادية وكمان وافق على عرض النادي الإنجليزي خاصة إنه سعيد تحت قيادة المدرب الألماني يورجن كلوب.

 

تفتكر محمد صلاح بيستثمر فلوسه في ايه؟ اعرف أكتر من هنا: محمد صلاح/Egyptian King بيستثمر فلوسه في ايه 2022؟

 

تجديد محمد صلاح مع الريدز

 

قيمة عقد محمد صلاح كبيرة لكن مش زي ما طلب الفرعون المصري إلا أن ليفربول هيمنح مو صلاح راتب أعلى من زميله المدافع الهولندي فان دايك، وبكدا هيكون أعلى أجر في صفوف ليفربول، والذي يتقاضى في الوقت الحالي 220 ألف جنيه إسترليني.

صحيفة ميرور الإنجليزية قالت إن إدارة ليفربول هتمنح محمد صلاح راتب يصل لـ 400 ألف جنيه استرليني في الأسبوع، وهو كان رافض للرقم دا قبل كدا طلب أكتر وإنه محتاج يتقدر ماديًا أفضل باعتباره واحد من أفضل لاعبي العالم حاليًا.

 

محمد صلاح هيجدد مع ليفربول لغاية سنة كام؟

 

وحسب الصحيفة الإنجليزي، محمد صلاح وافق على تغيير مدة عقده ليمتد إلى 2026 مع ليفربول، وعلى الرغم من إن محمد صلاح طلب راتب 500 ألف جنيه استرليني في الأسبوع إلا إنه وافق في النهاية على 400 ألف جنيه استرليني في الأسبوع.

كمان محمد صلاح كان عاوز عقده يمتد لسنة 2027 لكن في نهاية الأمر عرض ليفربول لصلاح وصل لتجديد  سنوات لغاية 2026 مع احتساب السنة المتبقية في عقده الحالي، واللي بتنتهي في عام 2023.

وبكدا تكون ليفربول أمنت نفسها بوقت كافي قبل نهاية عقد محمد صلاح القديم السنة الجاية 2023.

 

النظام الغذائي لمحمد صلاح اعرف أكتر عنه من هنا: عارف محمد صلاح The Egyptian King بياكل بكام في اليوم!

 

راتب محمد صلاح مع ليفربول في السنة: 19.200.000 جنيه استرليني

 

تفاصيل راتب محمد صلاح الجديد مع ليفربول

 

راتب محمد صلاح مع ليفربول في السنة: 19.200.000 جنيه استرليني.

 

راتب الفرعون المصري مع ليفربول في الشهر: 1.600.000 جنيه استرليني.

 

راتب مو صلاح مع ليفربول في الأسبوع: 400.000 جنيه استرليني "أكتر من 9 مليون و500 ألف جنيه مصري".

 

راتب محمد صلاح مع ليفربول في اليوم: 57.142 جنيه استرليني"أكتر من مليون و300 ألف جنيه مصري".

 

2.380 جنيه استرليني في الساعة: "أكتر من 57 ألف جنيه مصري".

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط