faydety-logo-text

أسعار أفضل 5 منتجات makeup وskin care: بتبدأ من 9 جنيه

تاريخ النشر: 22 سبتمبر 2022

نصايح ببلاش

أسعار أفضل 5 منتجات makeup وskin care: بتبدأ من 9 جنيه

روج ميبيلين نيويورك بـ 99 جنيه

كل بنت بتحب دايمًا تبان جميلة وتظهر بمظهر كويس قدام الناس ومن أهم الحاجات اللىيلازم تهتمى بيها فى مظهرك هى بشرتك، علشان كده فايدتى هتقولك على الاساسيات اللى لازم تكون عندك فى ال makeup وال skin care.

 

 وهنعرفك كل حاجة عبارة عن ايه وهتفيدك ازاى واسعار شوية منتجات اختارنهالك من ترشيحات خبيرات التجميل ودكاترة الجلدية علشان تبقى عاملة حسابك فى الميزانية.

 

مع العلم ان الأسعار دي بتختلف من مكان للتانى لكن مش هيكون الفرق كبير.

 

makeup أفضل الأنواع وأرخص الأسعار

ميك اب, ميكاب, اسعار الميك اب, make up, makeup, مستحضرات التجميل, افضل غسول, make up store, makeup store, افضل غسول للبشرة الدهنية, افضل غسول للوجه, اسعار الميك اب, skin care, ارخص سكين كير, ارخص ميكب اب,
اسعار الميكب آب 

 

خبيرات التجميل بتنصحك انك تكونى على طبيعتك وكل ما كان الميك بتاعك انعم واخف كل ما هتبانى اجمل وطبيعية اكتر علشان كده فايدتى اختارتلك 5 حاجات هتساعدك تعملى لوك خفيف مناسب للنزول الصبح سواء للشغل او مشاوير وللجامعة كمان.

 

1- كونسيلر

 

الكونسيلربيكون لاخفاء الهالات تحت العين وكمان بيتحط على الاماكن اللى عاوزة تنوريها زى الدقن والجبهة والأنف.

  • LA girl  برو كونسيل : 104 ج
  • ميبيلين فيت مى: 150 ج
  • لوريال انفيلبل : 275 ج

 

2.باودر:

ميك اب, ميكاب, اسعار الميك اب, make up, makeup, مستحضرات التجميل, افضل غسول, make up store, makeup store, افضل غسول للبشرة الدهنية, افضل غسول للوجه, اسعار الميك اب, skin care, ارخص سكين كير, ارخص ميكب اب,
اسعار  makeup وskin care

خبيرات التجميل بتنصحك انك تثبتى اى منتج كريمى استخدمتيه على بشرتك سواء كونسيلر او فاونديشن بالباودر علشان يظهر اللوك اجمل ويدوم لفترة اطول، فممكن تختارى اما باودر شفافة بدون لون او باودر بلون مناسب لبشرتك وكمان فى منها المضغوطة (compact) او ال loose.

ميبيلين فيت مى (مضغوطة): 175 ج

 

3- بلاشر او تنت خفيف

 

البلاشر هو من الحاجات اللى مهم تختاريها بلون خفيف وناعم وتستخدميه بشكل خفيف وتوزعيه على الخدين والانف او الخدين فقط مع اهميه دمجه جيدا علشان يظهر ال make up look  بتاعك بطريقة ناعمة وجميلة.

 

  • لونا: 74ج
  • تشاو: 65 ج
  • سيبال : 77 ج

 

ماسكارا4.: 

 

خبيرات التجميل بتنصحك انك متستخدميش اكتر من طبقة واحدة من الماسكارا على رموشك علشان نوصل للوك الناعم .

  • ايسنس لاش بريسنس : 118 ج
  • سيبال دارك بلاك : 124 ج
  • ميبيلين لاش سينشيشنال : 225 ج

 

روج5. lipstick : 

 

  • سيبال :75 ج
  • ميبيلين نيويورك 99ج
  • فلورمار سيلك مات :168 ج

.لو حابة تعرفى ازاى تستخدمى المنتجات دى شوفى الفيديو ده

 

skin care:

skin care

 

اللى هو أساس جمال بشرتك ، كل ما اهتميتى ان بشرتك تكون صحية مش هتحتاجى غير شوية لمسات بسيطة من مستحضرات التجميل علشان تظهرى فى أجمل صورة.

 طب ايه هى المنتجات اللى ممكن تساعدك فى ده؟

 

غسول الوجه1.

 

وده بتختاريه على حسب نوع بشرتك يعنى مثلا لو بشرتك دهنية، انتى محتاجة غسول للبشرة الدهنية اللى بيساعد على تقليل افراز الدهون فى بشرتك، لكن لو بشرتك جافة فانتى محتاجة غسول لطيف على البشرة .

 

 طب ايه أفضل غسول للبشرة الدهنية؟ 

 

 شوفى نصايح دكتور محمد الناظر للعناية بالبشرة الدهنية و المختلطة.

 

  • ستارفيل جل : 93 ج
  • لاروش بوزاى افاكلار 200 مل : 226ج
  • سيرافى 500 مل : 345 ج

 

2. مرطب للبشرة:

 

تعرفى ان أساس ترطيب الجلد بيكون عن طريق الدم؟، كل ما اهتميتى بشرب المايه اكتر واتحركتى اكتر الدم بيوصل للجلد بصورة افضل وده بيزود من ترطيب الجلد، لكن سطح الجلد بيفقد مايه باستمرار وده ممكن يوصله للجفاف اللى بيقلل مناعته وبيزود احتمالة اصابته بالميكروبات والحساسية.

وييجى هنا دور المرطب ، المرطب هو حاجة بتتحط على سطح الجلد تعمل كطبقة عازلة بتقلل فقد المايه اللى بيحصل وبتحافظ على الجلد مترطب اطول فترة ممكنة. 

 

لو بشرتك دهنيه اختارى مرطب خفيف زى الجيل:

 

  • شان جيل :130 ج
  • بيبانثين : 99ج

 

اما لو بشرتك جافة اختارى مرطب كريمى:

 

  • سيرافى للبشرة الجافة 236مل : 320ج
  • شان كريم : 130ج

 

3. مزيل makeup:

 

مهم جدا تتخلصى من الميك اب قبل النوم ودى من الخطوات اللى هتفرق فى جمال بشرتك.

 

  • غارنيه 100مل : 42ج
  • بايوديرما 250مل : 239ج
  • أڤين 400 مل : 302ج

 

4. صن سكرين:

 

وده اهم منتج لازم تستثمرى فيه فلوسك ومتستغنيش عنه ابدا لانه بيحميكى من تأثير اشعة الشمس على بشرتك واللى على المدى البعيد ممكن تسبب تجاعيد ومشاكل تانية كتير خليكى بعيدة عنها احسن.

 

  • بوباى : 145 ج
  • بيزلين : 210ج
  • لاروش بوزاى : 400ج

 

5.مرطب شفاه:

 

  • فازلين - لابيللو : 45ج
  • بيزلاين : 69ج
  • أڤين : 144ج

 

واخيرا دكاترة الجلدية وفايدتى بينصحوكى تشربى مايه بالكمية الكافية وتتحركى علشان الدم يوصل للجلد بصورة احسن، وافتكرى انك دايما جميلة و ان

 الmakeup  هو حاجة بتبين تفاصيل جمالك الحقيقى وهى مش حاجة اساسية ابدا فى جمالك.

 

 

 

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط