faydety-logo-text

إيه هو دور شركات التأمين في مبادرة الإحلال والتجديد؟

تاريخ النشر: 11 يناير 2022

عالم المال

إيه هو دور شركات التأمين في مبادرة الإحلال والتجديد؟

ايه هي مواصفات العربية المطلوب إحلالها؟

من فترة أطلق الرئيس عبد الفتاح السيسي مبادرة الإحلال والتجديد الخاصة بالسيارات، وبعدها قالت وزارة المالية إن الخطة الزمنية للمرحلة الأولى من المبادرة دي هتبقى حوالي 3 سنين لإحلال وتجديد 350 ألف سيارة ما بين الأجرة والتاكسي والملاكي، وتنفيذ الخطة كلها هياخد حوالي 10 سنين.

 

مواصفات السيارة المطلوب إحلالها:

 

·   مر على صنعها 20 سنة من تاريخ صنعها فأكثر.

·   المتقدم مصري الجنسية.

·   لا يقل عمره عن 21 سنة ولا يزيد عن 65 سنة في حالة التقسيط.

·   حال الرغبة في شراء سيارة الإحلال بالكاش فإن السن يكون مفتوحًا.

·   بالنسبة للتقسيط فهو متاح لمدة 7 سنين أو 10 سنين أو أقل من كدا والأمر كله بيرجع لرغبة المواطن والبنك اللي بيتعامل معاه.

·   أما فايدة القرض كله بالكامل 3% فائدة مقطوعة، يعني ثابتة مش مركبة.

 

من مميزات المبادرة الرئاسية للإحلال والتجديد هي إنها بتدي قرض للمواطن بتمن السيارة بفايدة 3 % بس، وكمان موزعة على عدد الأقساط وحسب نوع السيارة وقدرة المواطن.

 

حافز تمن السيارة!

 

كمان المبادرة هتقدم "الحافز الأخضر" للمواطن ودا عبارة عن 10% من تمن السيارة الجديدة بحد أقصى 22 ألف جنيه في حالة السيارة الملاكي.

وبالنسبة للتاكسي فالنسبة هتكون 20% بحد أقصى 45 ألف جنيه، وبالنسبة للميكروباص فـ النسبة هتكون 25% بحد أقصى 65 ألف جنيه.

كمان هيكون في تخفيضات في أسعار السيارات على عكس السعر اللي في السوق.

 

دور التأمين في المبادرة!

 

·   تأمين على السيارة ضد الحريق والسرقة والحوادث.

·   التأمين في حالة الوفاة تقوم شركة التأمين بسداد القرض للبنك نيابة عن الورثة.

·       توفير تغطية إضافية مجانية لكل المشتركين بالمبادرة تتمثل في التأمين على الحوادث الشخصية لقائد السيارة بمبلغ 100 ألف جنيه نتيجة الوفاة أو العجز الكلي في حادث سيارة.

·       المبادرة كمان بتعمل وثيقة تأمين على السيارة والحياة للمشاركين بها من اللي بيقسطوا سياراتهم سواء ملاكي أو تاكسي.

 

للتسجيل في مبادرة إحلال المركبات المتقادمة للعمل بالغاز الطبيعي من هنا

وتقدر تحصل على 

تأمين لسيارتك وتأمين ضد الحوادث الشخصية من خلال فايدتي من مكانك بعيد عن المبادرة!

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط