faydety-logo-text

ازاي خبز البطاطا هيوفر مليون طن قمح سنويًا في مصر؟

تاريخ النشر: 28 يونيو 2022

عالم المال

ازاي خبز البطاطا هيوفر مليون طن قمح سنويًا في مصر؟

منتج محلي مصري موجود طول السنة بديل لخبز القمح

خبز البطاطا من أكتر الكلمات اللي المصريين كانوا يبحثوا عنها في جوجل الساعات الأخيرة، فايدتي هتقولك معلومات أكتر عن خبز البطاطا والفرق بينه وبين خبز القمح وازاي هيوفر على مصر مليون طن قمح سنويًا.

 

من 20 سنة فاتت في باحث مصري اسمه "عبدالمنعم الجندي" قدم فكرة مختلفة لصناعة رغيف العيش، وبالفعل السنة اللي فاتت محافظة الوادي الجديد، تحديدًا في شهر رمضان، طبقت الفكرة ودخلت صنف خبز البطاطا الجديد "جنداوي" في إنتاج رغيف العيش.

 

حلول مشكلة القمح في مصر

 

محافظ الوادي الجديد محمد الزملوط، خلال اجتماعه مع وزير التموين والتجارة الداخلية في مصر علي مصيلحي، قال إن حلول أزمة القمح موجودة وبجودة عالية وبمواصفات مميزة.

 

وحسب كلامه، مصر جادة الفترة الجاية في استخدام التركيبة الوراثية الجديدة من البطاطا المطحونة في إنتاج الخبز، ودا هيوفر على مصر مليون طن في السنة الواحدة.

 

مميزات خبز البطاطا

 

  • مشبع ويحتوي على كميات سكر أقل وطعمه مش مختلف عن خبز القمح.
  • البطاطا اللي هتدخل في إنتاج الخبز تم زيادة نسبة المادة الجافة فيها بحوالي 26 % بعدما كانت 11 % في الأصناف المصرية.
  • هيكون في مميزات للمزارعين، وإنتاجية الفدان هتكون كبيرة وبتوصل لـ 20طن للفدان الواحد ودا بيعادل 10 أفدنة مميزة من إنتاج القمح.

 

اقرأ كمان: سعر العيش السياحي والفينو بعد قرار مجلس الوزراء

 

ازاي خبز البطاطا بيتعمل؟

رغيف الخبز, رغيف البطاطا, رغيف العيش, العيش في مصر, الفرن السياحي, العيش اللي هيوفر, عيش البطاطا, السيسي ورغيف العيش, ا رتفاع سعر رغيف العيش, رغيف الخبز بكام, التموين, وزارة التموين, وزير التموين, شعبة المخابز بغرفة القاهرة التجارية
خبز البطاطا
  • يتم سلق البطاطا وخلطها مباشرة مع دقيق القمح.
  • بيتم توفير كمية من مياه العجن لوجودها في البطاطا المسلوقة.
  • بعد ما بيتم حصاد البطاطا بتتغسل كويس جدًا وتتسلق وتتحط جوا عبوات مختلفة تنقل إلى الأفران مباشرة أو مجمده بالعبوات الخاصة بها.
  • وبعد كدا بتتعجن بالطريقة العادية وبيخرج رغيف عيش جودته عالية وطعمه حلو.

 

شوف خبز البطاطا.. فكرة جديدة لإنتاج الخبز وتوفير فاتورة استيراد القمح من هنا

 

تكلفة سعر رغيف الخبز المكون من القمح

 

رئيس شعبة المخابز بغرفة القاهرة التجارية "عطية حماد" قال إن خبز البطاطا فكرة مميزة وليها أبعاد اقتصادية كبيرة، ومن بينها خفض تكلفة سعر رغيف الخبز المكون من القمح.

 

علاج للمشكلة

 

حماد قال إن من أكبر المشاكل اللي بتواجهها مصر في صناعة رغيف الخبز إن تكلفته بتوصل لـ 80 قرض وبيتم بيعه للمواطن بـ 5 قروش بعد الدعم، ودا بيحمل الدولة فوق طاقتها.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط