faydety-logo-text

ازاي مصر هتتأثر بحرب روسيا وأوكرانيا؟

تاريخ النشر: 24 فبراير 2022

عالم المال

ازاي مصر هتتأثر بحرب روسيا وأوكرانيا؟

اعرف موقف أمريكا والاتحاد الأوروبي من روسيا

الرئيس الروسي، فلاديمير بوتين، أعلن فجر النهاردة الخميس بتوقيت مصر عن بداية عملية عسكرية واسعة في إقليم دونباس بأوكرانيا، واللي اعترفت روسيا باستقلاله من يومين، وبالفعل بدأت القوات الروسية عملية عسكرية شاملة، والبداية كانت بسماع صوت 6 انفجارات ضخمة في مدينة خاركيف الأوكرانية.

التقارير الإعلامية بتقول إن القوات الروسية في طريقها إنها تدخل أوكرانيا من جهة شبه جزيرة القرم، لكن ايه سبب حرب روسيا وأوكرانيا اليوم دا اللي هتعرفه دلوقتي.

 

لو محتاج تعرف القصة الكاملة لأسباب حرب روسيا وأوكرانيا من هنا: ايه قصة لوغانسك ودونيتسك اللي روسيا اعترفت باستقلالهم؟

 

موقف الاتحاد الأوروبي وأمريكا من روسيا

 

رد الاتحاد الأوروبي على الهجوم العسكري من روسيا ضد أوكرانيا بإنه هيعاقب روسيا ويجمد أصول مالية ليها ويمنعها من الوصول للأسواق المالية العالمية والأوروبية ودا هيضعف اقتصادها، ودا نفس اللي قاله برضو الرئيس الأمريكي جو بايدن بتوجيه عقوبات جديدة على روسيا.

 

بوتين: مش عاوزين نحتل إقليم دونباس

 

الرئيس الروسي بوتين قال إن روسيا مش ناوية تحتل أوكرانيا لكنها بس بتحمي إقليم دونباس اللي بيضم جمهوريتى دونتيسك ولوجانسك، وحذر من أي تدخل خارجي في أوكرانيا ووجع دعوة للجيش الأوكراني لإلقاء السلاح.

 

السياحة اتأثرت بشكل كبير بسبب الحرب بين روسيا وأوكرانيا

 

تأثير الحرب بين روسيا وأوكرانيا على مصر

 

تأثر السياحة بشكل مباشر وضعف الأفواج القادمة لمصر من روسيا وأوكرانيا خلال الفترة الأخيرة.

من الأمور المتوقعة ارتفاع أسعار بعض السلع الغذائية الاستراتيجية زي اللحوم والحبوب وعلى رأسها القمح لأن مصر بتستورد سنويًا 13 مليون طن من القمح من روسيا وأوكرانيا.

وكمان مصر بتستورد من أوكرانيا الدرة والشعير وفول الصويا وزيت الطعام والحديد والفولاذ ومنتجاته.

من المتوقع إن أسعار السلع هتزيد بنسبة 20% بسبب حرب روسيا وأوكرانيا وطبعًا زيادة أسعار البترول.

 

لو محتاج تعرف تفاصيل أكتر عن تأثر مصر بالصراع الروسي الأوكراني تقدر تتفرج على المداخلة التليفونية اللي عملها دكتور محمد شادي، الباحث بالمركز المصري للفكر والدراسات الاستراتيجية، مع خيري رمضان في برنامجه من هنا

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط