اعرف الأسعار الجديدة لتذاكر مترو الأنفاق بعد الزيادة

تذكرة المترو بكام دلوقتي؟ ايه هي الزيادات في سعر تذاكر مترو الأنفاق؟ أسعار تذاكر المترو؟ من أكتر الحاجات اللي الناس بتبحث عنها في محرك البحث العالمي جوجل حاليًا، فايدتي هتقولك الجديد.

وزير النقل الفريق كامل الوزير، في مداخلة تليفونية مع الإعلامي عمرو أديب، قال إن الوزارة قررت تزود أسعار تذاكر المترو والقطارات بداية من شهر أغسطس الجاي، وحاليًا في انتظار مصادقة البرلمان ورئيس الجمهورية.

اخر الأخبار اعرفها من هنا: بكام دواء علاج كورونا في الصيدليات ومناسب لمين؟

أسعار تذاكر المترو 2022

كامل الوزير اتكلم في برنامج الحكاية وقال إن الزيادة هتكون قليلة، وهيتم اتخاذ القرار خلال الأيام اللي جاية لحين الانتهاء من دراسة نسبة الزيادة المقررة على التذكرة.

ليه هيتم زيادة أسعار المترو؟

وأكد وزير النقل إن الزيادة في أسعار تذاكر المترو علشان هيئة مترو الأنفاق ماتتعرضش لديون كبيرة علشان كدا الوزارة قررت تزود أسعار التذاكر الفترة الجاية.

واقترح الوزير إن هيئة مترو الأنفاق خلال الفترة الجاية لازم تبدأ تفكر في الاستثمار في بيع الخردة وزيادة الإعلانات.

وعن مديوينة الهيئة قال كامل الوزير: احنا مديونين للبنوك بـ88 مليار جنيه و5 مليارات لوزارة البترول.

تعرف ايه عن محطة مترو ناصر الجديدة؟ اعرف أكتر من هنا: 10 معلومات عن محطة مترو ناصر: 4 أدوار تحت الأرض

ايه هي أسعار التذاكر الحالية لمترو الأنفاق؟

• 5 جنيه سعر التذكرة من محطة إلى 9 محطة.
• 7 جنيه سعر التذكرة من 10 إلى 16 محطة.
• 10 جنية سعر التذكرة من 17 محطة إلى نهاية خط المحطات.

الزيادة المتوقعة هتكون كام؟

الأسعار الجديدة لتذاكر مترو الأنفاق لم يتم الإعلان عنها حتى الآن بشكل رسمي لكن فايدتي بتنقل لمتابعيها اخر الأخبار والمستجدات في التقارير الصحفية المختلفة الجديدة واللي قالت الآتي:

• 6 جنيه سعر التذكرة من محطة إلى 9 محطات.
• 8 جنسه سعر التذكرة من 10 إلى 16 محطة.
• 11 جنيه سعر التذكرة من 11 محطة إلى نهاية الخط.

فيما يعني الزيادة المتوقعة في أسعار تذاكر مترو الأنفاق هتكون جنيه واحد بس على كل تذكرة.