faydety-logo-text

الأفضلية لمين في حجز وحدات سكن مصر ودار مصر وجنة؟

تاريخ النشر: 16 فبراير 2022

عالم المال

الأفضلية لمين في حجز وحدات سكن مصر ودار مصر وجنة؟

لو سجلت الأول ليك أفضلية في مبادرة التمويل العقاري؟

قالت مي عبد الحميد، الرئيس التنفيذى لصندوق الإسكان الاجتماعي ودعم التمويل العقاري، إن التقديم لحجز وحدات متوسطي الدخل في مشروعات دار مصر وسكن مصر وجنة على الموقع الإلكتروني متاح لغاية يوم 8 مارس الجاي.

 

هل في أفضلية للأسبقية في التقديم؟

 

"لا" مفيش أفضلية بين المواطنين اللي بيقوموا بعملية التسجيل على الموقع الإلكتروني خلال الساعات الأولى من فتح باب التسجيل واللي بيسجلوا في نهاية المدة.

 

ايه هو الفارق الأساسي؟

 

الفارق الأساسي في عملية حجز الوحدات السكنية المطروحة ضمن مشروعات دار مصر وسكن مصر وجنة قايم على أسبقية الحجز على الموقع الإلكتروني بعد فتح باب الحجز.

ودا اللي يحصل في الفترتين الأولى يوم 15/3/2022 من الساعة 9 الصبح لغاية الساعة 12 بالليل للعملاء اللي قدموا على الإعلان الأول للمشروعات التلاتة من اللي محجزوش وحدات سكنية وما استرجعوش مقدمات جدية الحجز.

الفترة التانية من الساعة 9 الصبح يوم 16 /3/2022 لغاية الساعة 12 بالليل يوم 24/3/2022 لكل المتقدمين على الإعلان التاني والمتقدمين قبل كدا بالإعلان الأول (من اللي ماقموش بحجز وحدات سكنية ولم يقوموا باسترداد مقدمات جدية الحجز).

 

اعرف أكتر من هنا: ننشر كراسة شروط دار مصر وجنة وسكن مصر 2022

 

اعرف تحجز وحدتك ازاي
 

ممكن تشوف الفيديو دا وهتعرف كل تفاصيل طريقة الحجز من هنا

كمان ممكن تتابع الصفحة الرسمية لصندوق الإسكان الاجتماعي ودعم التمويل العقاري على موقع الفيسبوك من هنا

وتابع الصفحة الرسمية على موقع يوتيوب من هنا

الصفحة الرسمية للصندوق على تويتر من هنا

الصفحة الرسمية للصندوق على انستجرام من هنا

الموقع الإلكتروني الرسمي لصندوق دعم التمويل العقاري من هنا

 

ازاي تحجز شقتك في مبادرة التمويل العقاري من هنا: 7 خطوات لحجز شقتك على موقع صندوق الإسكان الاجتماعي

 

أرقام خدمة العملاء

 

مركز اتصالات خدمة عملاء الصندوق متاح على الأرقام دي: 5999 أو 5777 أو 1188 من أي موبايل.

رقم 090071117 من أي خط أرضي من الساعة 9 الصبح لغاية الساعة 6 مساءً طوال أيام الأسبوع، ما عدا يومي الجمعة والسبت.

وكمان ممكن تتوجه مباشرة لأي مركز من مراكز خدمة العملاء بأجهزة المدن / مديريات الإسكان.

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط