faydety-logo-text

امتحانات القدرات للكليات 2022: الشروط والرسوم وموقع التنسيق

تاريخ النشر: 26 يوليو 2022

عالم المال

امتحانات القدرات للكليات 2022: الشروط والرسوم وموقع التنسيق

اعرف الكليات اللي بتحتاج اختبار قدرات للقبول

ايه هي شروط ورسوم امتحانات القدرات للكليات 2022؟ امبارح الاتنين 25 يوليو بدأت الكليات في استقبال طلبات الطلاب بشأن حجز امتحان القدرات.

 

وكمان وزارة التعليم العالي والبحث العلمي حددت رسوم امتحانات القدرات للكليات 2022.

من الحاجات اللي تم الإعلان عنها برضو موعد استقبال فيه طلبات تقديم امتحانات القدرات واللي هيكون من 25 يوليو لغاية السبت 6 أغسطس.

 

نتيجة الثانوية العامة هتظهر امتى؟ اعرف أكتر من هنا: موعد نتيجة الثانوية العامة 2022 ورابط النتيجة

 

موقع التنسيق الإلكتروني لامتحان القدرات 2022

 

من هنا

 

رسوم امتحانات القدرات للكليات 2022

 

حوالي 450 جنيه رسوم امتحانات القدرات للكليات 2022، وخلي بالك دي رسوم امتحان القدرات الواحد.

والطالب بيقوم بتسديد المبلغ في الشؤون المالية في الكلية اللي هيؤدي فيها امتحان القدرات.

وكدا كدا امتحان القدرات دا بيكون مقتصر على عدد من الكليات اللي بتحط شرط أساسي قبل القبول فيها إن المتقدم يجتاز امتحان القدرات حتى قبل ظهور نتيجة الثانوية العامة.

 

أسجل ازاي في اختبار القدرات 2022؟

 

  • هتدخل على موقع تنسيق ثانوية عامة 2022، وهتختار الكلية اللي عاوز تدخل فيها اختبار القدرات وبعدين هتملا البيانات: رقم الجلوس +الرقم القومي

 

  • وبعد كدا هتطبع إيصال اختبارات القدرات، وهتروح في اليوم اللي هتحدده الكلية علشان تمتحن امتحان القدرات.

 

شروط دخول امتحان القدرات

 

  • يكون مع الطالب رقم الجلوس اللي استلمه من المدرسة قبل امتحانات الثانوية العامة.
  • هيصور نسخة منه من أجل تسليمه عند دخول قاعة اختبارات القدرات.
  • ويدفع رسوم اختبار القدرات 2022.

 

اعرف مصاريف الجامعات الخاصة من هنا: مصاريف الجامعات الخاصة 2022/2023: الكليات وشروط التقديم

 

لو فشلت في امتحان القدرات ايه اللي بيحصل؟

 

مش هتقدر تعيد امتحان القدرات مرة تاني، ومش هيكون من حقك تؤدي امتحان القدرات في أي كلية تانية. 

 

شروط اختبارات القدرات للكليات 2022

 

  • هتروح لمقر عقد امتحان القدرات قبل الموعد بساعة .
  • هتسيب الموبايل أو أي جهاز في المنزل وعدم اصطحابه في اللجنة حتى إذا كان مغلقًا .
  • محظور تمامًا تصوير ورقة اختبار القدرات.
  • يجب إلتزام الطلاب بالإجراءات الاحترازية لمنع انتشار فيروس كورونا
  • ارتداء الكمامة الطبية وعدم خلعها بالإضافة إلى الحرص على تعقيم اليدين

 

ايه هي الكليات اللي فيها امتحان القدرات ثانوية عامة 2022؟

 

كليات الإعلام.

 

جامعة مصر الدولية التكنولوجية (وتشمل الكلية التكنولوجية بالقاهرة – الكلية التكنولوجية بالفيوم"دمو").

 

شعبتي التربية (التربية الفنية والتربية الموسيقية) بكليات التربية النوعية وشعبة المسرح التربوي بكلية التربية النوعية جامعة المنصورة وفرعيها (ميت غمر – منية النصر).

 

شعبتي التربية الفنية بكليتي (التربية بالإسماعيلية جامعة قناة السويس وكلية التربية بالسويس جامعة السويس).

 

الكليات التابعة للجامعات التكنولوجية بكل من (جامعة القاهرة الجديدة التكنولوجية- جامعة الدلتا التكنولوجية – جامعة بني سويف التكنولوجية- جامعة 6 أكتوبر التكنولوجية- جامعة برج العرب التكنولوجية- جامعة شرق بورسعيد التكنولوجية- جامعة طيبة التكنولوجية- جامعة أسيوط الجديدة التكنولوجية- جامعة سمنود التكنولوجية. 

 

كليات التربية الرياضية.

 

كليات التكنولوجيا والتعليم الصناعي بجامعات (حلوان – السويس – بني سويف – سوهاج).

 

كليات التمريض والمعاهد الفنية للتمريض.

 

كليات الفنون التطبيقية بجامعات (حلوان- دمياط – بنها – بني سويف).

 

كليات الفنون الجميلة (فنون– عمارة).

 

كلية التربية الفنية بالزمالك جامعة حلوان.

 

كلية التربية الفنية جامعة المنيا.

 

كلية التربية الموسيقية بالزمالك جامعة حلوان.

 

كلية التربية بالإسماعيلية (شعبة التربية الموسيقية) جامعة قناة السويس.

 

الكلية التكنولوجية المصرية الألمانية بأسيوط.

 

ازاي بيتم تصحيح امتحان القدرات؟

 

تصحيح اختبارات القدرات له شقين على حسب طبيعة الاختبار:

 

في كليات بتتم الاختبارات بها بنظام البابل شيت، والطالب بيجيب على الاختبار ورقيًا، ويتم تصحيحه من خلال جهاز بدون تدخل مثل  التمريض والإعلام والتعليم التكنولوجى.

 

لكن في كليات تانية زي مثلًا القطاعات المهارية زي قطاع الفنون بيكون فيها أسئلة حوالى 30 % بنظام البابل شيت، ويتم عمل تنظيم للتصحيح وبيتضمن الاختبار رسمًا ومهارات أخرى ويخصص درجات لكل مهارة لأن الاختبار به مهارات أخرى للرسم وخلاف ذلك .

 

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط