faydety-logo-text

كام تكلفة تطوير مجمع التحرير وتحويله لفندق سياحي؟

تاريخ النشر: 14 أغسطس 2022

عالم المال

كام تكلفة تطوير مجمع التحرير وتحويله لفندق سياحي؟

تكلفة إنشاء مجمع التحرير أصلًا كانت كام؟

مجمع التحرير أو زي ما بنقول عليه مجمع المصالح الحكومية واحد من أهم المباني الحكومية في مصر، وبيعتبر من أقدم المباني في ميدان التحرير بالقاهرة، وعلى الرغم من كل التغيرات اللي حواليه في شكل الميدان واسمه إلا إن المجمع زي ما هو وبيدخله آلاف المواطنين يوميًا.

 

مجمع التحرير اتبنى في الوقت اللي رحلت فيه القوات البريطانية عن مصر، وساعتها قرر الملك فاروق إنه يهدم الثكنات العسكرية الإنجليزية اللي كانت بتحتل ميدان الإسماعيلية "التحرير دلوقتي"، وبعدها كان في كذا خطة لتطوير الميدان.

 

اعرف كمان: تفتكر برج إيفل محتاج كام علشان يتصلح من الصدأ اللي عليه؟

 

مجمع التحرير اتكلف كام علشان يتبني أصلًا؟

 

سنة 1948 بدأ المعمارى المصري محمد بك كمال إسماعيل في بناء مجمع التحرير اللي كان اسمه مجمع الجلاء.

وتكاليف البناء وقتها كانت 350 ألف جنيه، ودا كان بهدف التسهيل على المواطنين إنهم يخلصوا أوراق رسمية في الجهات الحكومية.

 

مواصفات مجمع التحرير

 

والمجمع بيتكون من 14 دور وتم بنائه على مساحة 28 أفف متر وارتفاعه 55 متر وفيه 1356 غرفة للموظفين.

ومن مميزات مجمع التحرير إنه بيتميز بالصالات الواسعة والنوافذ والمناور والممرات الكتيرة، ولو أنت مادخلتهوش قبل كدا يبقى أكيد شوفته في الفيلم الشهير للفنان عادل إمام "الإرهاب والكباب".

 

تطوير مجمع التحرير من مخطط الدولة لتطوير القاهرة الخديوية

 

تكلفة تطوير مجمع التحرير كام؟

 

في تحالف اسمه "كايرو هاوس" بدء في تطوير مجمع التحرير وهيحوله إلى مزار سياحى متكامل بتكلفة استثمارية حوالي 240 مليون جنيه، وبيدرس حاليًا كل آليات الحصول على تمويلات بنكية لتدبير جزء من الاستثمارات المطلوبة.

 

مجموعة جلوبال فينتشرز

 

واحدة من الشركات اللي موجودة في تحالف كايرو هاوس اسمها جلوبال فينتشرز، والشرك المؤسس للمجموعة دي قال إنهم هيخلوا مجمع التحويل أيقونة سياحية، وهيتم الانتهاء من تنفيذ المشروع خلال 31 شهر (حوال سنتين ونص) على أقصى تقدير في سنة  2025 2024 هيظهر للنور.

 

وتطوير ميدان التحرير من خلال كايرو هاوس هتشمل إنشاء 350 غرفة للنزلاء، و50 جناح، وكمان بعض الشقق الفندقية، ومطاعم ومركز للتسوق، بخلاف أماكن ترفيهية وحمام سباحة على سطح المبنى .

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط