faydety-logo-text

ليه البنك المركزي بيرفع سعر الفائدة؟ اعرف الاستفادة

تاريخ النشر: 19 مايو 2022

عالم المال

ليه البنك المركزي بيرفع سعر الفائدة؟ اعرف الاستفادة

البنك المركزي عاوز يسيطر على زيادة الأسعار المتوقعة

النهاردة الخميس 19 مايو 2022 هتجتمع لجنة السياسة النقدية في البنك المركزي المصري، وتوقعات بزيادة سعر الفائدة حسب آراء الخبراء، فايدتي هتقولك لو القرار دا حصل معناه ايه ببساطة وليه البنك المركزي ممكن يعمل كدا أصلًا؟

 

البنك المركزي المصري ممكن يزود سعر الفائدة على الجنيه المصري في اجتماع النهاردة، وزيادة سعر الفائدة معناها ببساطة إن البنك المركزي المصري عاوز يعزز قيمة الجنيه برفع الفائدة علي الإيداعات البنكية بأشكالها المختلفة.

 

الخطوة دي بتشجع المودعين علي زيادة أحجام إيداعاتهم بالجنيه المصري في البنوك .

 

رئيس الوزراء المصري قال ايه عن سعر الفائدة في الأيام اللي فاتت؟ اعرف أكتر من هنا: سعر الفائدة هيزيد ولا هيقل؟ رئيس الوزراء يرد

 

زيادة سعر الفائدة

 

إجراء زيادة سعر الفائدة من القرارات اللي بتاخدها الدول علشان تعزز قيمة العملة المحلية وتسيطر على زيادة الأسعار المتوقعة.

 

اعرف أكتر: يعني ايه سعر الفايدة؟

 

وفي الحالة دي لو البنك المركزي المصري رفع سعر الفائدة دا هيؤدي لزيادة الإيداعات في البنوك وتقليل القوة الشرائية في السوق، ودا ببساطة هيحد شوية من زيادة الأسعار.

 

اعرف كل توقعات الخبراء بخصوص قرار البنك المركزي المصري المنتظر النهاردة: يا ترى البنك المركزي ناوي على ايه بشأن أسعار الفائدة؟


تأثير رفع سعر الفائدة 

 

في حالة إن البنك المركزي المصري رفع سعر الفائدة في اجتماع النهاردة دا هيأثر على سعر الجنيه مقابل الدولار، والخبراء بيقولوا إن دا هيكون تأثير إيجابي.

 

ومن المتوقع –حسب رأي الخبراء- إن الدولار مش هيرتفع قدام الجنيه المصري بل بالعكس هينزل الدولار نسبيًا أمام الجنيه، وطبعًا دا هيخفف من ارتفاع الأسعار على السلع الأساسية.

 

توقعات الخبراء عن شهادات الادخار اللي ممكن يتم طرحها خلال الفترة الجاية اعرفها من هنا: هل البنوك ممكن تطرح شهادات جديدة بفائدة أعلى من 18%؟

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط