faydety-logo-text

موعد وتفاصيل حجز وحدات سكن لكل المصريين 3

تاريخ النشر: 21 سبتمبر 2022

عالم المال

موعد وتفاصيل حجز وحدات سكن لكل المصريين 3

ايه هي شروط حجز شقة في الاسكان الاجتماعي؟

بدأ صندوق الاسكان الاجتماعىي ودعم التمويل العقارى فى طرح المرحلة التالتة باسم "سكن لكل المصريين 3 " .

 

واللى هيتم بدأ التسجيل فيها وحجز الوحدات من يوم الأحد 25 سبتمبر 2022 حتى السبت 1 أكتوبر 2022  للمواطنين من ذوى الهمم فقط ، ومن يوم الأحد 2 أكتوبر 2022 حتى الخميس 27 أكتوبر لكل المواطنين من منخفضى ومتوسطى الدخل ويتضمن ايضا المواطنين من ذوى الهمم.

 

اعرف أكتر عن التمويل العقاري من هنا: ازاي تحجز شقة بمبادرة التمويل العقاري في 5 دقايق؟

 

مواصفات الوحدات بالمرحلة التالتة:

 

أكدت مي عبد الحميد، الرئيس التنفيذي لصندوق الإسكان الاجتماعي ودعم التمويل العقاري ان المرحلة التالتة من سكن لكل المصريين 3 تشمل: 

وحدات جاهزة للتسليم الفورى فى المحافظات والمدن دى: 


(الأقصر، القليوبية، برج العرب الجديدة، الفيوم، الفيوم الجديدة، البحيرة، كفر الشيخ، مرسى مطروح، أسيوط، المنوفية، الإسماعيلية، سوهاج، أخميم الجديدة، الشرقية، السويس، بني سويف، الغربية، دمياط، أسوان، الدقهلية، شمال سيناء، قنا، المنيا، المنيا الجديدة).

 

وكمان وحدات هتتسلم فى خلال 18 شهر فى (أكتوبر الجديدة "غرب المطار"، "جرزا القطوري - العياط"، دمنهور".).

 

أسعار الوحدات المطروحة:

 

  • وأكدت كمان ان اسعارالوحدات تتراوح بين (194 ألف جنيه ) و (310 ألف جنيه).
  • المقدم بيكون 10 % من قيمة الوحدة لمنخفضى الدخل و 15 % لمتوسطى الدخل.

 

استخدم حاسبة التمويل العقاري من هنا

 

تحجز وحدتك ازاى؟

 

تقدر تشترى كراسة الشروط وتدفع مبلغ ضمان جدية الحجز وكمان مصروفات ادارية فى فروع البريد المصرى فى المحافظات اللى مطروح فيها الوحدات السكنية.

 

تقدر تتابع وتعدل حجزك او تستكمل بياناتك اونلاين عن طريق موقع صندوق الاسكان الاجتماعى ودعم التمويل العقارى.

 

امتى مينفعش تحجز شقة في الاسكان الاجتماعي؟

 

  • لو دخلك أقل من 1500 جنيه فى الشهر.
  • لو دخلك أعلى من 6000 جنيه للاعزب، و 8000 جنيه للمتزوج.
  • لو حصلت على دعم قبل كده من اى جهة حكومية سواء ارض او وحدة سكنية او اسكان تعاونى.
  • لو واخد قرض من البنك ولسة بتسسده فمينفعش تاخد قرض التمويل العقارى للوحدة السكنية لانك كده هتكون بتجمع بين قرضين.
  • لو مسجل لك ملكية عقار سواء انت اشتريته او ورثته.
  • لو سنك أكبر من 50 سنة أو أقل من 21 سنة.
  • لو ملكش صلة بالمحافظة اللى فيها الوحدة السكنية سواء اقامة او شغل.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط