faydety-logo-text

يعني إيه كساد؟ وإيه المواقف اللي تدل عليه؟

تاريخ النشر: 22 سبتمبر 2020

عالم المال

يعني إيه كساد؟ وإيه المواقف اللي تدل عليه؟

أكتر حاجة بتميز الكساد هو إنه بيستمر لفترة طويلة.

حالياً وبسبب أزمة فيروس كورونا المستجد، في كلام كتير عن ركود أو كساد متوقع في الفترة الجاية (على حسب الفترة اللي الفيروس هيستمر فيها) بسبب الحظر وتوقف السياحة وفقدان الوظايف، ودي حالة عالمية لإن البلاد كلها متأثرة بتداعيات الفيروس، وصندوق النقد الدولي متوقع كساد ممكن يضاهي الكساد الكبير في 1929 واللي كان يعتبر أسوء كساد شافه العالم الحديث.

 

لكن هو إيه الكساد؟

 

الكساد معناه فترة من الزمن بيبقى فيها الاقتصاد ضعيف وبيتميز بانحدار شديد في كل القياسات الاقتصادية، وأكتر حاجة بتميز الكساد هو إنه بيستمر لفترة طويلة. وعادة لو استمرت الحالة الاقتصادية الضعيفة دي لمدة سنتين أو أكتر، بيطلق عليه كساد.

 

بيحصل إيه وقت الكساد؟

 

الحاجة اللي الخبراء دايماً بيرصدوها أثناء الكساد هي قلة العرض والطلب، وعادة السوق بيبقى نايم والحاجات اللي بتلقيها بتحصل وقت الكساد هي:

 

1. خسارة كبيرة في سوق البورصة بسبب قلة ثقة المستثمرين في السوق اللي بيأدي لبيع الأسهم وقلة حركة الشراء.

 

2. إفلاس بعض الشركات أو الأفراد بسبب قلة التجارة.

 

الكساد معناه فترة من الزمن بيبقى فيها الاقتصاد ضعيف وبيتميز بانحدار شديد في كل القياسات الاقتصادية، وأكتر حاجة بتميز الكساد هو إنه بيستمر لفترة طويلة.

 

3. مشاكل في نظام البنوك، ومنها إفلاس بعض البنوك وده بيحصل لو البنوك بتطلع قروض بزيادة ومش متأمن عليها، وبعد كدة عدد كبير من العملاء ماقدروش يسددوا، والبنك ما عندوش فلوس يدفع المستحقات اللي عليه، وده حصل في 2008 في أمريكا.

 

4. نزول الأسعار جامد لدرجة إن في حاجات ممكن تفقد قيمتها، وده بيأثر على التضخم، وساعتها ممكن التصخم يقل خالص، بس ما بيبقاش حاجة كويسة لإن ده معناه إن السوق نايم تماماً ومافيش شغل.

 

5. البطالة بتزيد وده حاجة متوقعة بسبب قلة الشغل عامة وحركة السوق القليلة.

 

6. عجز عن سداد الديون السيادية، وده بسبب إن الحكومة بتصرف بزيادة لمحاولة للسيطرة على الوضع أو إن ما فيش دخل داخل من الميزانية بسبب إن الناس مش قادرة تدفع ضرايب وهكذا.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط