faydety-logo-text

7 خطوات لحجز شقتك على موقع صندوق الإسكان الاجتماعي

تاريخ النشر: 15 فبراير 2022

عالم المال

7 خطوات لحجز شقتك على موقع صندوق الإسكان الاجتماعي

مقدم حجز وحدات سكن مصر 40 ألف جنيه

احجز شقتك دلوقتي على الموقع الإلكتروني لموقع صندوق الإسكان الاجتماعي في المشروعات المتاحة لمتوسطي الدخل في مشروعات دار مصر وجنة وسكن مصر، وهتلاقي هنا كل شروط التقديم وكراسات الشروط والخطوات.


خطوات التسجيل على موقع صندوق الإسكان الاجتماعي

 

1- ادخل على موقع صندوق الاسكان الاجتماعي من هنا، وبعدها اختار من على شمال الصفحة الرئيسية "إنشاء حساب جديد".

2- دلوقتي سجل بيانات وحط صورة الرقم القومي ليك ولمراتك في حال كونك متجوز أو اكتفي بصورة الرقم القومي بيك بس لو أنت أعزب.

3- بعد ما تسجل البيانات بتاعتك هتجيلك رسالة بالرقم السري "الباسورد الخاص بحسابك" احفظها.

4- اختار نوع المشروع اللي عاوز تحجز فيه شقة "سكن مصر – دار مصر – جنة".

5- بعد كدا هيجيلك على موبايلك رسالة نصية فيها رقم دا اللي من خلال هتسدد مبلغ جدية الحجز.

6- حمل كراسة شروط الحجز من على موقع صندوق الاسكان الاجتماعي واقراها كويس، هتلاقيها هنا.

7- حدد المدينة اللي عاوز تسكن فيها وبناء عليه سيتم اختيار المشروع المتاح داخل تلك المدينة.

 

سدد مبلغ جدية الحجز

 

بعد كدا روح لبنك التعمير والإسكان علشان تسدد مبلغ جدية الحجز أو حول المبلغ من حساب على حساب وزارة الإسكان داخل بنك التعمر والإسكان.

 

مشروع سكن مصر

 

  • مقدم حجز وحدات سكن مصر 40 ألف جنيه.
  • مساحة وحدات سكن مصر تتراوح ما بين 106 متر وحتى 118 متر.
  • المدن المتاح فيها مشروع سكن مصر هى: أكتوبر الجديدة - العبور الجديدة - القاهرة الجديدة - المنيا الجديدة - بدر - حدائق أكتوبر- دمياط الجديدة - ناصر "غرب أسيوط" – الشروق.

 

مشروع دار مصر

 

  • مشروع دار مصر مساحة الوحدات فيه بين 100 متر إلى 150 متر.
  • مبلغ جدية الحجز 60 ألف جنيه.
  • المدن المتاح فيها الحجز بمشروع دار مصر هى: السادات - 15 مايو - الشروق - العاشر من رمضان - بدر - برج العرب الجديدة - حدائق أكتوبر.

 

مشروع جنة 

 

  • مشروع جنة  JANNA تتراوح مساحة الوحدات ما بين 100 متر إلى 151 متر.
  • مبلغ جدية الحجز 80 ألف جنيه .
  • المدن المتاح فيها حجز الوحدات السكنية بمشروع JANNA هى: 6 أكتوبر - المنيا الجديدة - القاهرة الجديدة - الشروق – العبور.

 

 لأول مرة

 

  • ممكن تقسط الوحدة بتاعتك من مشروعات سكن مصر ودار مصر وجنه على 30 سنة.
  • نظام الفائدة يتراوح ما بين 3 % و8% حسب قيمة الوحدة والمشروع.

 

كل اللي هتحتاج تعرفه عن شروط التقديم من هنا:  شروط التقديم والحجز في شقق جنة وسكن مصر ودار مصر

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط