أرخص أماكن بيع الأدوات المدرسية في القاهرة والجيزة

فين أرخص أماكن بيع الأدوات المدرسية في القاهرة والجيزة؟ عاوز أجيب كتب مدرسية وملابس وأحذية ومستلزمات الدراسة بأفضل سعر ممكن أجيبها منين؟ هنقولك على أرخص أماكن بيع الأدوات المدرسية في القاهرة والجيزة قبل بداية موسم الدراسة.

اقرأ كمان: إزاي بيأثر على ميزانيتك : مسئولية الأطفال وتربيتهم

ميدان العتبة من أرخص الأماكن

• العتبة من الأماكن اللي هتلاقي فيها سلع كتير رخيصة وأرخص من السوق برا.
• وفي موسم المدارس كل اللي بتدور عليها هتلاقيه في مكان واحد بس في العتبة.
• الكتب الخارجية والأدوات المدرسية والأحذية وملابس والشنط بأسعار مميزة ومناسبة.
• من أشهر المكاتب في العتبة: مكتبة رومانس ف محمد علي – مكتبة كمال جميل في شارع القلعة – مكتبة رجب في شارع البيدق - مكتبة سعد في القلعة  - مكتبة عباس في محمد علي.

الفجالة من أرخص أماكن بيع الأدوات المدرسية 

• من أشهر المناطق على الإطلاق هي منطقة الفجالة في بيع الأدوات والكتب المدرسية.
• هتلاقي هناك دايمًا فرق سعر بيوصل لحوالي 25% سواء في الأدوات المدرسية أو الكتب الدراسية.
• من مميزات الفجالة إن البيع هناك بسعر الجملة.

معارض "أهلًا مدارس"

• ودي المعارض اللي بتعملها وزارة التموين بالتعاون مع الغرف التجارية قبل موسم الدراسة.
• هتلاقي هناك الأدوات المدرسية والمكتبية المختلفة بأسعار كويسة تقل عن الأسعار في المكتبات برا.
• والمقر الرئيسي لمعرض أهلًا مدارس بيكون في أرض المعارض في مدينة مصر.
• وفي معرض كمان أهلًا مدارس في محافظة الجيزة بفيصل.
• هتلاقي في المعرض الأدوات المدرسية والشنط وحاجات تانية كتير خاصة بالدراسة.
• والمعرض بيستمر لمدة أسبوعين تقريبًا، وبيشارك فيه تجار جملة كتير للادوات المدرسية والأحذية والشنط.

شارع الموسكي من أرخص أماكن بيع الأدوات المدرسية

• شوف بقى لو بتدور على لبس أو مستلزمات أكل أو مستلزمات دراسة وغيرها من الحاجات هتلاقيها في الموسكي بأسعار مميزة جدًا.
• من أكتر الحاجات اللي بتميز شارع الموسكي شنط المدارس.

حارة الصنادقية من شارع الأزهر

• حارة الصنادقية متفرعة من شارع الأزهر بتدخل ضمن قايمة أرخص أماكن بيع الأدوات المدرسية، وهي المكان الرئيسي لتجار الأقاليم.
• من مميزات حارة الصنادقية إن فيها تشكيلة متنوعة وأسعار تنافسية كمان مش هتلاقي زيها في الأسواق.
• هتلاقي هناك الكشاكيل والكراريس كل المقاسات وغيرها من الأدوات.
• وكمان في شارع اسمه كوم الشيخ سلامة هتلاقي فيه مستلزمات الدراسة برضو.

سور الأزبكية

• لو محتاج كتب مدرسة بأفضل الأسعار يبقى سور الأزبكية المكان المناسب ليك.
• هتلاقي في سور الأزبكية الكتب الخارجية لكل مراحل التعليم بأسعار مخفضة ميدان

الجيزة

• لو بتدور على أفضل طريقة تشتري بيها أدوات مدرسية بأسعار رخيصة يبقى عليك وعلى ميدان الجيزة.
• كل اللي بتدور عليه في الأدوات المدرسية ومستلزمات الدراسية هتلاقيه في مكان واحد بس في ميدان الجيزة.
• ومع قرب موسم الدراسة هتلاقي الميدان في كل الحاجات اللي بتدور عليه للمدارس.في منها جديد وفي قديم.