faydety-logo-text

ايه هو نوع التأمين على السيارات اللى عربيتك محتاجاه؟

تاريخ النشر: 12 ديسمبر 2021

قارن و قرر

ايه هو نوع التأمين على السيارات اللى عربيتك محتاجاه؟

ايه الفرق بين التأمين التكميلي والتأمين الشامل؟

 عندك عربية وحريف في السواقة!  ده برضه ميمنعش ان الاحتياط واجب ولازم تأمن على عربيتك، لأن الحادثة مش لازم تحصل بسببك، لكن ممكن من طرف تاني زي حوادث السرقة والحريق، وتصليح العربية وقتها ممكن يكلفك كتير لو مش مأمن عليها.

 

يعني ايه تأمين عربية؟

 

هو نوع من التأمين بتقدمه شركات التأمين عشان تغطي أي ضرر يحصل لـ عربيتك زي حوادث السرقة والحريق، وغيرهم، والتغطية دي بتكون مقابل قسط تأميني بتدفعه بشكل شهري أو سنوي.

 

ايه انواع تأمين السيارات؟


أولا، التأمين التكميلي:

 

ودي وثيقة بتغطي الأضرار اللى ممكن تحصل لـ عربية المؤمن عليه، نتيجة عن حادثة زي الحريق أو السرقة، وكمان الأضرار اللى بتأثر على ممتلكات الغير.


وليها 4 أنواع:

 

1-  المسؤولية المدنية المادية لممتلكات الغير

 

وهنا شركة التأمين بتعوض الخساير اللى بتحصل لممتلكات الغير في حالة انها اتأكدت ان المؤمن له هو السبب في الضرر ده.

 

2-  الحريق والسرقة

 

تغطي الضرر في حالة ان العربية تعرضت لحادثة سرقة أو حريق.

 

3-  الحريق والسرقة، والمسؤولية المدنية المادية

 

الوثيقة دي بتضم أول نقطتين، بمعنى ان شركة التأمين بتعوض الخسائر اللي بتحصل لممتلكات الغير في حالة أن المؤمن له هو السبب، والشركة بتتأكد من ده من تحقيقات الشرطة، عشان ساعتها تاخد الإجراءات اللازمة وتدفع التعويض، وكمان بتغطي الضرر اللى بيحصل لـ عربية المؤمن له زي حوادث السرقة والحريق.

 

 من ضمن مميزات البوليصة في التغطية الشاملة  الشمول، يعني شركة التأمين بتعوض المؤمن له عن الخساير اللى عربيته بتتعرض لها 

 

4-  التغطية الشاملة ( التأمين الشامل)

 

من ضمن مميزات البوليصة دي هي الشمول، يعني شركة التأمين بتعوض المؤمن له عن الخساير اللى عربيته بتتعرض لها زي الحريق، السرقة الكلية أو الجزئية، وبرضو بتغطي الضرر اللى بيحصل لممتلكات الغير لو الشركة اتأكدت ان المؤمن له هو السبب في ده، والضرر ده يضم حوادث الطريق، والتلفيات اللى بتحصل و ممكن نزود عليه كمان حسب رغبة العميل خدمة الونش في حالة حدوث حادث و تغطية حوادث شخصية لراكبي السيارة.

احصل دلوقتي على التأمين التكميلي لعربيتك من خلال فايدتي من مكانك!

 

ثانيا، التأمين الإجباري:

 

وهنا صاحب العربية بيدفع القسط التأميني في وحدات المرور، بموجب قانون و بشكل إلزامي لما بيقدم على رخصة لأول مرة، أو لما بيجددها، والتأمين بيغطي الخساير اللى بتحصل للطرف التاني، ولازم يكون المؤمن له هو السبب في الضرر ده، والوثيقة دي بتعتبر من أهم المستندات اللى بتطلب عند ترخيص أي عربية.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط