faydety-logo-text

10 نصايح هتحافظ بيها على العمر الافتراضي لعربيتك

تاريخ النشر: 16 أغسطس 2022

قارن و قرر

10 نصايح هتحافظ بيها على العمر الافتراضي لعربيتك

خلي بالك وأنت بتغسل عربيتك

عاوز تحافظ على العمر الافتراضي لعربيتك يبقى الكلام دا ليك، هنقولك على نصايح كتير ممكن تعرفها للمرة الأولى زي غسيل ومسح العربية والمساحات وأفضل طريقة للتعامل مع الزيت والبنزين وحاجات تانية كتير.

 

مأمن على عربيتك ولا لسه؟ اعرف أكتر عن تأمين السيارات من هنا: 6 أسباب هتخليك تفكر فى التأمين على عربيتك في مصر!

 

10 نصايح للحفاظ على العمر الافتراضي لعربيتك

 

1- غسيل العربية

خلي بالك وأنت بتغسل العربية لأن ناس كتير بتغسل عربيتها في الشمس ودا بيحرق البويا.

 

2- مسح العربية

عربيتك عليها تراب وعاوز تمسحها طب ايه أفضل طريقة علشان تحافظ على عمرها الافتراضي؟ خلي بالك إن مسح العربية وهي عليها تراب في الشمس بيجرح البويا وبياكلها.

 

3- اتعامل مع المساحات بذكاء

لو متعرفش خلينا نقولك إن رفع المساحات أثناء الغسيل بينشف جلدها ويخليها تبوظ الازاز.

نصيحة مهمة لك وأنت على الطريق بعربيتك اعرفها من هنا: امتى تبص في مرايات العربية وأنت سايق عربيتك؟

 

4- تفويل العربية

حافظ على عمر عربيتك الافتراضي وماتفولش عربيتك في الحر للاخر.

 

5- الطريقة المثالية للتعامل مع الدركسيون

خلي بالك متنزلش من عربيتك بعد الركنة منغير ما تسوجر الدركسيون.

 

6- غسيل الكاوتش

ماتغسلش الكاوتش وأنت جاي من مشوار والطنابير سخنة دا مش صح.

 

7- تغيير الزيت

ممكن تعرف الموضوع دا لأول مرة لكنه مهم جدًا، تغييرك للزيت بدرى عن معاده أيًا كان نوع الزيت اللي بتحطة بيطول عمر المكنة.

 

8- العربية فاضية بنزين

ماتسيبش العربية فاضية بنزين كتير، لأن دا بيكتم العربية ويسد الرشاشات لو انجكشن أو كاربراتير.

 

نصايح ليك لو بتشتري عربية مانيوال اعرفها من هنا: 3 حاجات لازم تبص عليها وأنت بتشتري عربية مستعمله مانيوال!

 

9- ضغط الكاوتش

اهتم إنك تظبط ضغط الكاوتش صيف وشتا لأن دا بيطول في عمر الفردة.

 

10- العمر الافتراضي للردياتير

غسيل دايرة الماية وتنضيفها من فترة لفترة بيطول عمر الردياتير وعمر مكنة عربيتك وحاول تهتم بدا دايمًا.

 

نصايح ليك لو بتشتري عربية اتوماتيك اعرفها من هنا: 3 حاجات لازم تبص عليها وأنت بتشتري عربية مستعملة اوتوماتيك! 

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط