faydety-logo-text

إيه هي أشهر أنواع التأمينات في مصر؟

تاريخ النشر: 23 مارس 2021

قاموس الفلوس

إيه هي أشهر أنواع التأمينات في مصر؟

أشهر أنواع التأمين الموجودة في الشركات التأمين في مصر

كل واحد بيحب يأمن على نفسه بالطريقة اللي بتريحه، وفي ناس بتفضل تأمن على  نفسها وعلى عيلتها كمان، وعشان تعرف التأمين ممكن يفيدك ازاى! يبقى لازم تفهم معنى التأمين والهدف منه.

 

ايه هو التأمين؟

 

هو نظام اجتماعي بيتطبق على الأفراد والشركات،  هدفه ان الشخص يقدر يواجه الخساير اللي ممكن يتعرض لها وينقل الخطر لحد تاني واللي في معظم الأوقات بتكون شركة تأمين اللي بتقدم أنظمة تأمين مختلفة بتفيد كل الفئات.

 

طب ايه هى أنواع التأمين؟

 

في أنواع كتير للتأمين، اختارنا منهم أشهر 5، وهما:

 

1- التأمين الاجتماعي:

 

هو نظام إجباري الحكومة بتفرضه على الموظفين، وده بيحصل عن طريق إن الشركات بتاخد جزء من مرتب الموظف وبيروح لصندوق التأمين الاجتماعي، والجزء ده على مدار السنين بيساعد الموظف انه ياخد مبلغ كل شهر بعد ما يطلع على المعاش عشان يأمن بيه نفسه وأسرته.

 

2- التأمين الصحي:

 

هو من أهم أنواع التأمين وبيغطي تكاليف علاج وتشخيص المريض، وبيوفر بدل لـ عدم العمل لـ فترة مؤقتة بسبب العجز الكلي أو الجزئي، وهدف التأمين الصحي انه بيقلل من التكاليف اللي بيصرفها المريض وقت تعبه مقابل مبلغ بسيط وثابت الشخص بيدفعه مرة واحدة في السنة. وممكن يبقي الاشتراك فيه تبع الشغل، أو تشترك لوحد من خلال نظام التأمين الصحى الشامل الجديد.

 

التأمين الصحي بيغطي تكاليف علاج وتشخيص المريض، وبيوفر بدل لـ عدم العمل لـ فترة مؤقتة بسبب العجز الكلي أو الجزئي

 

 

3- التأمين على الحياة:

 

وده النوع اللي بيطلب فيه الشخص أنه يأمن على حياته مع شركة التأمين، والشركة مسؤولة تدفع المبلغ اللي مكتوب في الوثيقة للمستفيدين في حالة وفاة المؤمن عليه، أو بتدفع المبلغ للشخص نفسه في حالة انه وصل لسن الـ 65، وده بعد ما بيكون دفع مبلغ التأمين علي شكل أقساط شهرية طول مدة التأمين.

 

4-  التأمين على الممتلكات:

 

من أكتر أنواع التأمين اللي الناس بتلجأ لها عشان يقدروا يواجهوا أي خطر يحصل لممتلكاتهم وبيضم التأمين على البيوت والعربيات وأي ممتلك حابب تأمنه، وشركة التأمين بتغطي الضرر اللي بيحصل للممتلكات في حالة السرقة، أو الحريق أو الكوارث الطبيعية زي الأمطار الشديدة والعواصف. 

 

5- التأمين على العربية:

 

من أشهر أنواع التأمين واللي بتتقسم لـ نوعين:

 

التأمين الإجباري:

 

النوع ده اتطبق في مصر سنة 2007، ومعاه بيجبر الشخص علي  دفع قيمة التأمين في المرور لما يستخرج الرخصة أو يجددها، و شركات تأمين السيارات بتحصل فلوسها من فروعها اللي موجوده  في  إدارات المرور.

 

التأمين التكميلي: 

 

أما النوع ده فـ فيه البوليصة بتتكتب بأسم صاحب رخصة السواقة وقيمته في الغالب بتبقى لصالح البنك اللي الشخص قدم على قرض منه  عشان يشتري العربية، وممكن في حالة عدم قدرة الشخص على سداد القرض، تتكفل شركة التأمين بسداد الأقساط الباقية.

 

احصل على التأمين من خلال فايدتي دلوقتي ومن مكانك!

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط