faydety-logo-text

التذكرة بـ 960 جنيه: تفتكر حفلات عمر خيرت بتكسب كام؟

تاريخ النشر: 20 أبريل 2022

قاموس الفلوس

التذكرة بـ 960 جنيه: تفتكر حفلات عمر خيرت بتكسب كام؟

قاعة المسرح الكبير في دار الأوبرا فيها 1300 كرسي

حفلات الموسيقارالكبير عمر خيرت دايمًا بيتسلط عليها الضوء بمجرد ما بيتم الإعلان عنها سواء في دار الأوبرا المصرية أو في أي مكان تاني زي الصوت والضوء في الأهرامات مثلًا، وغالبًا بتكون كاملة العدد بعد فتح باب الحجز بفترة بسيطة جدًا.

 

خلال شهر مايو 2022 الموسيقار عمر خيرت ليه حفلتين في دار الأوبرا "المسرح الكبير" تحديدًا أيام 15 و 16 مايو، الأحد والاثنين، وأسعار التذاكر: 960 – 760 -460 جنيه.

فايدتي حاولت تجيبلك السعر الإجمالي التقريبي للتذاكر لقاعة المسرح الكبير في حفلة عمرت خيرت، ونقولك بتكسب كام؟

 

اعرف أكتر عن الحفلات الفنية في إجازة عيد الفطر: حفلات وعروض فنية في عيد الفطر 2022 وأسعار التذاكر

 

معلومات عن المسرح الكبير في دار الأوبرا

 

قاعة المسرح الكبير في دار الأوبرا المصرية

المسرح الكبير في دار الأوبرا المصرية من أجمل وأهم المسارح المصرية وهو الأكبر والأجمل والأكتر فخامة، ويمكن الوصول إلى قاعة المسرح الكبير عن طريق مدخل يؤدى إليه من عدة أماكن مختلفة. 

المسرح الكبير مصمم لاستيعاب 1300 مشاهد ويرتفع لأربعة مستويات: 3 منها دائرية مرتفعة عن مستوى قاعة المسرح الأرضية ويصل كبار الزوار من الشخصيات المهمة مباشرة إلى صالون الرئاسة فيه.

كمان المسرح الكبير مجهز بكل المعدات والتقنيات المتقدمة في أفريقيا والشرق الأوسط وتوجد حفرة متسعة للأوركسترا وهى تتصل بخشبة المسرح بعرض 20 م وارتفاع 10 أمتار. 

 

عدد الكراسي والأسعار في حفلات عمر خيرت

 

حسب خريطة المسرح الكبير في دار الأوبرا المتاحة للجمهور على موقع ticketsmall لحجز حفلات عمر خيرت لاقينا إن القاعة فيها 1052 كرسي.

 

التذكرة اللي بـ 960 جنيه: 618 كرسي. 

وبكدا يكون السعر الإجمالي للفئة الأولى من التذاكر: 593.280 جنيه.

 

التذكرة اللي بـ 760 جنيه: 224 كرسي.

وبكدا يكون السعر الإجمالي للفئة التانية من التذاكر: 170.240 جنيه.

 

التذكرة اللي بـ 460 جنيه: 210 كرسي.

وبكدا يكون السعر الإجمالي للفئة التالتة من التذاكر: 96.600 جنيه.

 

سعر الكراسي المتاح الحجز فيها أونلاين مجمعة في حفلة عمر خيرت 860.120 جنيه

 

السعر الإجمالي للكراسي المتاحة للحجز أونلاين

 

الموسيقار الكبير عمر خيرت

سعر الكراسي المتاح الحجز فيها أونلاين مجمعة في حفلة عمر خيرت 860.120 جنيه.

 

خلي بالك

 

يعني القاعة كاملة، حسب الخريطة، 1052 كرسي.

خلي بالك دار الأوبرا على موقعها الرسمي في وصف المسرح الكبير قالت إن المسرح الكبير فيه 1300 كرسي.

وغالبًا الفرق اللي حوالي 250 كرسي، اللي مش متاحين للحجز أونلاين، ممكن يكونوا كبار زوار ومش متوضح سعرهم.

كمان خلي بالك إن دار الأوبرا نفسها بتاخد مبلغ من سعر التذاكر دا لكن مش معروف النسبة المئوية كام.

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط