faydety-logo-text

ايه الفرق بين أنواع التأمين على المنازل، الإيجار والتمليك!

تاريخ النشر: 12 ديسمبر 2021

قاموس الفلوس

ايه الفرق بين أنواع التأمين على المنازل، الإيجار والتمليك!

تغطية الممتلكات الشخصية بتغطي ايه بالظبط؟

البيت مصدر الأمان لينا كلنا، وعشان تعيش مع أسرتك في امان واستقرار دايما يبقى لازم تأمنه هو وممتلكاتك من اي ضرر ممكن يحصل عشان التأمين يساعد معاك في فلوس الإصلاحات، بس تفتكر ايه اللى يفرق في تأمين المنازل بين البيوت التمليك والإيجار؟
 

ايه هو تأمين المنازل؟

 

زيه زي أي نوع تأمين تاني، بمعنى أنك تتفق مع الشركة عشان تأمن على بيتك، وبتختار التغطيات المناسبة ليك، وبيبقى مقابل قسط  سنوي.
 

لو عايز تعرف تفاصيل أكتر عن تأمين المنازل اقرأ هنا، يعني ايه تأمين على البيت؟

 

ايه أنواع التأمين على المنازل؟

 

التأمين على المنازل نوعين، الإيجار والتمليك، ومش يختلفوا في حاجات كتير.
 

ايه اشهر التغطيات المتشابهة بين تأمين المنازل الإيجار والملك؟

 

1- تغطية الممتلكات الشخصية:
 

وهنا الوثيقة بتغطي أي ممتلكات بتخصك في البيت زي: الملابس، والأثاث، والأجهزة الكهربائية، والمجوهرات، والتغطية دي بتكون نسبة مئوية من تأمين المنازل، وده في حالة  لو مقدم على تغطيات تانيه، والنوع ده من التغطيات بيكون الأهم لو بيتك إيجار، وهو اللى بيحدد السعر العام للوثيقة، لأن في الأغلب مش هتكون مختار تغطية غيرها.
 

لو عايز تعرف أكتر عن تأمين الممتلكات اقرأ هنا،  التأمين على الممتلكات ولا التأمين على الحياة، تختار ايه؟

 

تغطية الممتلكات الشخصية بتكون مهمة لو بيتك إيجار

 

2-  تغطية المسؤولية المدنية:

 

الوثيقة بتحميك من التعرض القانوني، ويتدفع التكلفة في حالة لو حصل بسببك أي إصابة جسدية أو تلف لـ ممتلكات الناس اللي ساكنين معاك  في نفس العمارة.

 

3- تغطية تكاليف المعيشة الإضافية:
 

لو حصل ظرف مفاجئ  في البيت زي ماسورة المياه العذبة اتكسرت أو حصل ماس كهربائي أدى لحريق، واضطريت تسيب البيت، فـ التأمين هيدفع تكلفة إقامتك في  مكان تاني حسب المبلغ المتفق عليه لحد ما البيت يتصلح.

 

ايه وجه الإختلاف بين تغطيات التأمين على المنازل؟
 

فيه اختلاف واحد بس، وهو ان تأمين المنازل التمليك يشمل تأمين "هيكل البيت"، بمعنى انه بيغطي أي ضرر ممكن يحصل للأسقف، والأرضيات، و الحيطان، والأبواب،,وغيرهم، وطبعا البيوت الإيجار لا تشمل النوع ده من التغطيات، عشان لو حصل أي حاجه لبيتك صاحب البيت هو اللى هيدفع تكلفة التصليحات.

الحريق من أكثر المخاطر المنتشرة في وثائق تأمين المنازل و الممتلكات عامة.

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط