faydety-logo-text

ايه هو تأمين الحوادث الشخصية، تفاصيله وازاى اقدم عليه؟

تاريخ النشر: 16 يناير 2022

قاموس الفلوس

ايه هو تأمين الحوادث الشخصية، تفاصيله وازاى اقدم عليه؟

تأمين الحوادث الشخصية بيغطي ايه؟

التأمين ليه أنواع كتير، وطبيعي انك تحتاج نوع تأمين مختلف عن غيرك، في اللى بيحتاج يأمن على نفسه وأسرته، وفى اللى بيأمن على صحته ...إلخ! بس تفتكر لو قلقان من التعرض لأي خطر أو حادثة فجأة أي نوع من التأمينات هيكون مناسب ليك أكتر؟ الإجابة طبعا تأمين الحوادث الشخصية.
 

ايه هو تأمين الحوادث الشخصية؟
 

هو نوع من الوثائق التأمينية، بيطلب فيها الشخص أنه يأمن على نفسه ضد الحوادث الشخصية الغير متوقعه زي: حادث سير، حادث حريق، أي كسر ناتج عن حادث،...إلخ، وشركة التأمين بتدفع المبلغ التأميني مقابل قسط بسيط. ومن ضمن مميزات البوليصة، انها ممكن تكون مرتبطة بـ بوليصة تانيه زي التأمين على الحياة، وممكن تكون بوليصة منفصلة، وقيمة التغطية على تأمين الحوادث الشخصية بتبدأ من 25,000 ألف جنيه وبتوصل لـ 2,000,000 جنيه، والتعويض المالي بيكون في كذا حالة:

 

  •          إرجاع النفقات الطبية الناتجة عن الحالات والحوادث التي تغطيها الوثيقة (مبلغ التعويض لا يتعدى 10% من قيمة التغطية)
  •       العجز الجزئي المستديم ( مبلغ التعويض بيتحدد طبقا للجدول المرفق في الوثيقة).
  •        العجز الكلي المؤقت (مبلغ التعويض بيكون في شكل صرف دفعات أسبوعية بحد أقصى لمدة سنة).
  •    العجز الكلى المستديم (كامل قيمة التأمين).
  •           الوفاة (كامل قيمة التأمين).

 

تفاصيل الحوادث الشخصية:

 

1- العجز الدائم
 

  • بياخد المؤمن عليه تعويض على حسب نسبة الإعاقة اللى اتعرض لها، واللي اتحددت ليه على حسب شروط البوليصة.
  • بعض شركات التأمين بتشترط أن الإعاقة تكون حصلت خلال 12 شهر من ميعاد الحادثة.

 

2- الإعاقة المؤقتة

 

  • بعض وثائق التأمين بتدي تعويض يومي، بشرط أن نسبة تضرر المؤمن عليه أو قدرته على العمل أقل من 25%.
  • الفترة اللى شركة التأمين بتدفع فيها بتتراوح بين سنتين لـ 3 سنين في حالة أن المؤمن عليه أقل من 65 سنة، والتعويض بيكون لـ سنة واحدة للمؤمنين فوق سن الـ 65 

 

3- الوفاة

 

وهنا شركة التأمين بتدي التعويض المالي بالكامل للمستفيدين في حالتين:

 

  • الورثة اللى مكتوبين في البوليصة ولو المؤمن عليه مش كاتب أسماء المستفيدين، المبلغ بيروح للورثة اللى هتتحدد على حسب القانون.
  •  ولو في اختلاف بين الاسماء اللى مكتوبة في البوليصة والورثة الشرعيين، فـ التعويض بيروح للمستفيدين على حسب بوليصة التأمين.

 

المؤمن عليه بياخد تعويض مالي لو اتعرض لأي حادثة بشرط انها متكنش حادثة عمل

 

ايه الحاجات اللي بيغطيها تأمين الحوادث الشخصية؟
 

  • المؤمن عليه بياخد تعويض مالي لو اتعرض لأي حادثة بشرط انها متكنش حادثة عمل.
  • الحادثة بتكون نتيجة عن حريق أو سقوط، أو حاجة مش متوقعة  وبتسبب ضرر جسماني للمؤمن عليه.
  • أغلب شركات التأمين بتدي التعويض المالي لو حصلت الحادثة في أي مكان في العالم ما عدا دول معينة بتبقى مكتوبة في البوليصة.
  • في حالة الإصابة ومحتاج تغطي مصاريفك العلاجية، الشركة بتدفع جزء من قيمة التغطية بنسبة لا تتعدى الـ 10% من مبلغ التأمين.

 

ايه الحاجات اللى مش بيغطيها تأمين الحوادث الشخصية؟

 

  •   ممارسة الأنشطة الرياضية اللي معروفة بخطورتها (مثل تسلق الجبال، والغطس، ...إلخ)
  • ممارسة الوظايف اللي معروفة بخطورتها (مثل ظابط شرطة، ومهندس الموقع، ….إلخ)
  • تأدية الخدمة العسكرية 
  • الانتحار أو محاولة إيذاء النفس
  • فقد الإرادة بسبب الجنون
  • الإشعاعات النووية
  • استخدام الأسلحة الكيمائية والبيولوجية
     

ايه هى مدة تأمين الحوادث الشخصية؟

 

  • في معظم الأوقات، تأمين الحوادث الشخصية بيكون على فترة طويلة وممكن توصل لحد سن الـ 65، والبوليصة مش بتكون مدى الحياة.
  • وفي نوع تاني من البوليصة وبتكون محددة لـ سنة واحدة بس، وممكن تتجدد كل سنة بموافقة المؤمن عليه.
     

لو عايز تعرف أكتر عن التأمين ادخل هنا، ايه هو نظام التأمين في مصر؟

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط