faydety-logo-text

تفاصيل نوعين التأمين على السيارات فى مصر، والفرق مابينهم!

تاريخ النشر: 23 يناير 2022

قاموس الفلوس

تفاصيل نوعين التأمين على السيارات فى مصر، والفرق مابينهم!

التأمين الإجباري من أشهر أنواع التأمين اللي موجودة في مصر من 2007

العربية بقت حاجة أساسية لـ معظم الناس اليومين دول، وعشان تقدر تروح وتيجي بعربيتك وأنت مطمن فى كل مشاويرك حتى وأنت مسافر، يبقى لازم تكون مأمن نفسك وعربيتك وده هيحصل لو عملت تأمين على العربية.

 

وتأمين العربية بيتقسم لـ نوعين:
 

1 - التأمين الإجباري:
 

ده من أشهر أنواع التأمين واللى بقت موجودة فى مصر من سنة 2007 بشكل إجباري، ومعناها الشخص بيدفع قيمة التأمين فى المرور لما بيجي يطلع رخصة أو يجددها وشركات التأمين بتحصل الفلوس من أكشاكها اللى بتبقى موجودة فى إدارات المرور.

 

تفاصيله:


  •  بيغطي التأمين الإجباري الضرر اللى بتتسبب فيه للغير، وبيعوض صندوق الحوادث المجهولة فى حالة الوفاة بـ 40 ألف جنيه، وفي حالة العجز الكلي والجزئي أو أي ضرر تانى ما عدا تلفيات المركبات (عربيات الملاكي - الأجرة - النقل - الأتوبيس)، وبيتعوض المتضرر بمبلغ بيتحدد على حسب الحالة وبيوصل لـ 10 آلاف جنيه حد أقصى.
     
  •  فى إجراء مهم، المتضرر من الحادثة لازم يعمله وإنه يبلغ شركة التأمين فى خلال 7 أيام من تاريخ الحادثة، عشان شركة التأمين تبدأ تعمل كل الخطوات وتقلل الاضرار اللى ممكن تحصل.
     

التأمين التكميلي من أهم أنواع التأمين على العربية

 

2- التأمين التكميلي:
 

وده تانى نوع من أنواع التأمين على العربية، وبوليصة التأمين في النوع ده بتتكتب بـ اسم الشخص اللى مكتوب فى رخصة السواقة وبيكون التعويض في معظم الأوقات لصالح البنك أو الشركة اللي أقدمت على قرض عندها عشان تشتري عربية.

وأحيانا البنك بيسمح ان العميل ياخد التعويض الجزئي، في حالات سرقة جزء من العربية مثلاً، والبنك بيحط شرط انه ياخد تعويض كلي لو حصل سرقة أو حريق للعربية كلها.
 

ايه هى الحاجات اللى بوليصة التأمين التكميلي بيغطيها؟

 

  • التأمين بيغطي أي ضرر جزئي يحصل للعربية زي أنها تدفع تكلفة اصلاح أو تغيير أي جزء في العربية لو حصلت ليها حادثة أو حريق
  • بتعوض شركة التأمين الشخص بقيمة العربية بالكامل فى الحادثة أو الحريق وده فى حالة لو أن العربية مينفعش تتصلح 
  • شركة التأمين بتعوض الغير لو حصل ليهم اي ضرر مادي من الشخص اللى بيسوق العربية المؤمن عليها
  • بتغطي شركة التأمين الحوادث الشخصية اللى بتحصل لركاب العربية المؤمن عليها
     

وأنت بتخطط لشراء عربية حط في بالك موضوع التأمين، أي أن كانت الطريقة اللي ناوي تدفع بيها، كاش أو عن طريق قرض عربيات، ولو بتفكر في القروض تقدر تقارن ما بين أسعار الفايدة لقروض السيارات في البنوك المختلفة على موقع فايدتي.

 

احصل على تأمين عربيتك دلوقتي من خلال فايدتي من مكانك!

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط