faydety-logo-text

جرام الذهب ممكن يوصل لـ 1500 جنيه؟ شعبه الذهب ترد

تاريخ النشر: 10 مايو 2022

قاموس الفلوس

جرام الذهب ممكن يوصل لـ 1500 جنيه؟ شعبه الذهب ترد

ايه سبب ارتفاع أسعار الذهب الفترة الأخيرة؟

سعر جرام الذهب اليوم خلال الفترة الأخيرة بيزيد بشكل كبير توقعات كتير اتقالت عن زيادة جرام الذهب علشان يسجل 1500 جنيه؟ تفتكر دا ممكن يحصل فعلًا؟ دا اللي شعبة الذهب ردت عليه.

لو متعرفش خلينا نقولك إن سعر جرام الذهب اليوم الثلاثاء 10 مايو: سعر جرام الذهب عيار 24 قيراط بـ 1103 جنيه، وسعر جرام الذهب عيار 22 قيراط بـ 1011 جنيه، وسعر جرام الذهب عيار 21 قيراط ب، 965 جنيه وسعر جرام الذهب عيار 18 قيراط ب،827 جنيه.

 

بتعرف تحسب مصنعية الذهب؟ اعرف الطريقة من هنا: احسب مصنعية الذهب 2022 من غير ما يتضحك عليك

 

سعر جرام الذهب ممكن يوصل لـ 1500 جنيه؟

 

استبعد أندريا تادرس، عضو مجلس إدارة شعبة الذهب، إن سعر جرام الذهب الفترة القادمة يوصل لمستويات 1500 جنيه زي ما قال ناس كتير، وأكد إن أزمة معروض الذهب هتختفي خلال الفترة الجاية.

وتابع تادرس كلامه: في إجراءات قوية من الدولة للسيطرة على أسعار الدولار، وحاليًا في استقرار واضح في أسعار الدولار مع فتح تداولات الأسبوع دا، رغم الإشاعات بخفض جديد للعملة هذا الأسبوع.

وكل المؤشرات حاليًا بتقلل من فرص الصعود الكبير لسعر الذهب حسب كلام عضو مجلس إدارة شعبة الذهب.

 

اللي حصل في الأسواق شئ طبيعي

 

وعن اللي حصل في أسواق الذهب خلال الأيام اللي فاتت، قال إن دا أمر طبيعي لأن المعروض من الذهب أقل من المطلوب، وتحرك الدولار مؤخرًا كان سبب رئيسي في تحقيق مستويات قياسية للذهب بسعر تجاوز 1200 جنيه لأول مرة.

 

اعرف أكتر عن الاستثمار في الذهب من هنا: يعني إيه استثمار في الدهب؟

 

مستقبل أسعار الذهب خلال الفترة الجاية

 

اندريا شايف إن أسعار الذهب في مصر والعالم لا يمكن الحكم على مستقبلها في ظل استمرار الحرب الروسية الأوكرانية، والتطور السريع في أمور اقتصادية كتير زي التضخم اللي بيعاني منه العالم كله حاليًا.

وقالها بشكل صريح إن الذهب مرتبط بمتغيرات كتير لكن سعره هيفضل متماسك لحين هدوء الأسواق.

 

سوق الذهب في مصر رايح لفين؟

 

أندريا تادرس أضاف إن سوق الذهب في مصر قوي جدًا وضخم على مستوى كل المحافظات، والكلام عن انهيار أو توقف السوق مجرد شائعات وأحاديث خاطئة، وكمان إن الحكومة خدت خطوات جادة وكبيرة في ملف إنشاء مدينة الذهب وإعادة مصر لريادتها الصناعية في ملف صناعة المشغولات الذهبية.

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط