faydety-logo-text

دلوقتي تقدر تحضر حفلات عمر خيرت في الأوبرا بالتقسيط

تاريخ النشر: 12 مايو 2022

قاموس الفلوس

دلوقتي تقدر تحضر حفلات عمر خيرت في الأوبرا بالتقسيط

تقسط تذاكر حفلات الأوبرا متاح على 5 بنوك

نفسك تحضر حفلات وعروض فنية كتير من غير ما تبوظ ميزانيك زي حفلات عمر خيرت؟ أوقات بتكون أسعار حفلات الأوبرا غالية عليك ومش عارف تعمل ايه؟ وأوقات بيكون نفسك تقعد قدام مش في اخر مكان في المسرح.. دلوقتي دار الأوبرا المصرية جابتلك الحل.

 

لأول مرة في مصر الأوبرا بتتيح تقسيط سعر التذاكر للحفلات المختلفة مش بس عمر خيرت، ودا من خلال 5 بنوك بالتعاون مع فوري من خلال موقع Ticketsmall.

 

تفتكر حفلات عمر خيرت بتكسب كام؟ اعرف أكتر من هنا: التذكرة بـ 960 جنيه: تفتكر حفلات عمر خيرت بتكسب كام؟

 

البنوك المتاح من خلالها التقسيط

 

والـ 5 بنوك المتاح من خلالها تقسيط تذاكر حفلات الأوبرا: (البنك الأهلي المصري NBE - بنك مصر - بنك عودة - البنك الأهلي الكويتي aBK- بنك الإمارات دبي الوطني NBD).

 

ليه الأوبرا بتعمل كدا؟

 

دار الأوبرا المصري بتتيح تقسيط تذاكر الحفلات المختلفة ضمن تجديد التعاون بين "الأوبرا"، وشركة فوري دهب المتخصصة في حلول المدفوعات الرقمية؛ لإتاحة خدمات الدفع الإلكتروني؛ والهدف من الموضوع دا تقديم تسهيلات عملية حجز التذاكر إلكترونيًا لمدة 3 سنين إضافية.

ازاي تحضر كل الحفلات اللي بتحبها من غير ما تبوظ ميزانيتك؟ اعرف أكتر من هنا: 6 طرق تحضر بيها الحفلات من غير ما تبوظ ميزانيتك الشهرية!

 

معلومات أكتر عن نظام التقسيط

 

بعد ما الأوبرا أتاحت نظام تقسيط تذاكر الحفلات اعرف تفاصيل أكتر عن نظام التقسيط واللي بيتيح القدرة لكل عميل على اختيار خدمة التقسيط، وفترة سداد من 3 شهور ولـ 12 شهر عن طريق تحديد المدة في مرحلة الدفع وتقسيطها مع البنك.

تقدر تقسط مع البنك الأهلي وبنك مصر تقسيط 3 شهور أو 6 شهور أو 9 شهور أو 12 شهر لكن مع البنوك التانية المتاحة: (بنك عودة - البنك الأهلي الكويتي aBK- بنك الإمارات دبي الوطني NBD) تقدر تقسط على 12 شهر أو 16 شهر.

 

اعرف كل الحفلات والعروض الفنية لشهر مايو 2022 من هنا: حفلات وعروض فنية في عيد الفطر 2022 وأسعار التذاكر

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط