faydety-logo-text

ليه في علاقة بين التأمين على المنزل والتمويل العقاري؟

تاريخ النشر: 05 ديسمبر 2021

قاموس الفلوس

ليه في علاقة بين التأمين على المنزل والتمويل العقاري؟

بيتك هو أغلى ممتلكاتك، أمن عليه

سألت نفسك قبل كده، ايه أكتر حاجة محتاجها ؟ مهما كان سنك صغير أو كبير، فـ البيت هيفضل الحلم اللى دايما بتسعى ليه وتحوشله عشان يبقى عندك حاجة ملك، وتعرف تبني أسرة ويبقى البيت مصدر أمانهم.

 

وفي طريقتين هتساعدك تشتري البيت:

 

-الطريقة الأولى " التحويش"

 

 تفضل سنين تحوش من مرتبك، وممكن تشتغل أكتر من شغلانه عشان تعرف تجمع سعر الشقة في وقت أسرع.

 

الطريقة التانية " قرض المنازل/ التمويل العقاري"

 

ودي الأسهل، لإنك ممكن تدفع المبلغ اللى معاك نسبة من سعر البيت كـ مقدم، وتاخد بالباقي تمويل عقاري.

 

قارن بين أفضل عروض التأمين على المنازل: احصل على أفضل نظام تأمين منازل وأمن على بيتك

 

ايه هو التمويل العقاري؟
 

التمويل العقاري هو مبلغ بتستلفه من البنك عشان تشتري بيت، وبيكون البيت أو العقار اللي اشتريته هو نفسه ضمان البنك، وبيفضل ملك للبنك لحد ما تسدد كل أقساط القرض، وفي معظم الأوقات البنك بيطلب منك تأمن على قرض المنازل تحت مسمى "تأمين الائتمان"

 

يعني ايه تأمين الائتمان وعلاقته بالتمويل العقاري؟

 

دي وثيقة تأمين البنك بيطلبها منك عشان تأمن على التمويل العقاري، عشان البنك يضمن انك هتدفع الاقساط  كل شهر في ميعادها، وتأمين الائتمان بيقدم نوعين من الوثائق:

 

الوثيقة الأولى:

 

شركة التأمين بتغطي الأقساط، وبتدفعها للبنك في حالة وفاة المؤمن عليه، والوثيقة ده بتقدمها شركات التأمين على الحياة.

 

الوثيقة التانية:
 

وهنا شركة التأمين بتدفع الأقساط للبنك في حالة ان الشخص مش قادر يدفع الباقي، والوثيقة دي بتصدرها شركات التأمين على الممتلكات.

 

وفي نفس الوقت عشان تحافظ على بيتك، يبقى يفضل تأمن عليه،  وده نوع من أنواع تأمين الممتلكات، وبتختار تغطية تأمينية أو أكتر واللي على أساسها بتتفق على الوثيقة والقسط اللى هتدفعه لـ شركة التأمين.

 

شركة التأمين بتغطي الأقساط، وبتدفعها للبنك في حالة وفاة المؤمن عليه، والوثيقة ده بتقدمها شركات التأمين على الحياة.

 

ووثيقة تأمين المنازل بتضم:

 

  • المباني والتشطيبات والمفروشات والمنقولات

ودي الاضرار اللى ممكن تحصل للمبنى من بره  أو بيتك نفسه زي الحرايق، الكوارث الطبيعية ( الأمطار/ البرق/ الأعاصير).

 

  • السرقة

التغطية بتكون في حالة الضرر أو فقدان في محتويات البيت، من خارج أفراد العيلة أو العاملين فى خدمتهم

 

  • المجوهرات الشخصية 

  وده بيغطي  فقدان أو أي ضرر للمجوهرات أو الممتلكات الشخصية، الملابس والأثاث، اللى موجودة  فى البيت.

 

  • مسؤولية الطرف الثالث

وده معناه لو صاحب البيت مطالب يدفع أي تعويض للساكن في حالة  ضرر أو سرقة  الممتلكات.

 

  • السكن البديل

لو حصل ضرر في البيت زي الحريق، شركة التأمين بتغطيه بأنها توفر سكن بديل للمؤمن عليه لحد ما البيت يتصلح.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط