faydety-logo-text

يعني ايه إعادة التأمين؟ وايه هي مميزاته؟

تاريخ النشر: 10 يونيو 2021

قاموس الفلوس

يعني ايه إعادة التأمين؟ وايه هي مميزاته؟

اعرف ايه هو إعادة التأمين ومميزاته؟

لما بتحس إن في خطر بيقرب منك، أول حاجة بتفكر فيها هي التأمين لأن هو اللي هينقذك بس طبعا مش بتبقى عارف الكواليس اللي بتحصل في شركة التأمين، وايه هى الطرق اللي بيستخدموها عشان يغطوا أي خطر ممكن تعدي بيه، ومن أشهر الحاجات اللي شركات التأمين بتستخدمها هى "إعادة التأمين".

 

لو عايز تعرف أكتر عن مصطلح التأمين فى مصر ممكن تقرأ هنا، إيه هو نظام التأمين في مصر؟

 

بداية وتطور إعادة التأمين

 

ظهر المصطلح ده في القرن الـ 19 مع تأسيس أول شركة إعادة تأمين في ألمانيا سنة 1846 وكان الهدف منه هو الاستقرار ودعم الاقتصاد، واقتصر مبدأ إعادة التأمين في الأول على تغطية المخاطر المحلية، وبسبب الحرايق الكتيرة اللي كانت بتحصل في أوروبا في نهاية القرن الـ 19، بدأت شركات إعادة التأمين تزيد عشان تقدر تغطي حجم الضرر اللي كان موجود ساعتها.

 

شركات التأمين بتطبق قانون الأعداد الكبيرة، بمعنى انها بتحاول تتجنب الخساير الكبيرة مقابل انها تغطي خسارة صغيرة مؤكدة.

 

ايه هو إعادة التأمين؟

 

معناه ان الشخص بيأمن على نفسه مع شركة تأمين والعلاقة اللي بين شركة التأمين والمؤمن عليه بتستمر زي ما هى، بس بعض شركات التأمين بتروح لشركات تانيه تتعاقد معاها وبياخدوا نسبة من قسط العميل اللي بيدفعوا عشان يغطوا مع شركة التأمين أي ضرر العميل بيعدي بيه، بس قدام العميل بتبقى شركة التأمين الأصلية هى المسؤولة عشان تغطي أي ضرر.

 

ايه هى مميزات إعادة التأمين؟

 

  • بتزود القدرة الاستيعابية للشركة المؤمنة انها تتقبل أخطار أكبر.
  • بتعمل على استقرار معدل الخسارة وبتساعد شركة التأمين تتفادى التقلبات المفاجئة في معدل الخسارة.
  • شركات التأمين بتطبق قانون الأعداد الكبيرة، بمعنى انها بتحاول تتجنب الخساير الكبيرة مقابل انها تغطي خسارة صغيرة مؤكدة.
  • بتساعد شركات إعادة التأمين انها تدرس السوق والمناطق الجغرافية ونتايج إعادة التأمين فيها قبل ما تتعاقد مع شركات التأمين وتبدأ تغطي أي ضرر.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط