faydety-logo-text

يعني ايه تأمين ضد الحوادث الشخصية؟

تاريخ النشر: 02 فبراير 2022

قاموس الفلوس

يعني ايه تأمين ضد الحوادث الشخصية؟

المؤمن عليه بياخد تعويض مالي لو اتعرض لأي حادثة بشرط انها متكنش حادثة عمل

التأمين ضد الحوادث الشخصية هو نوع من الوثائق التأمينية، بيطلب فيها الشخص إنه يأمن على نفسه ضد الحوادث الشخصية الغير متوقعه زي: حادث سير، حادث حريق، أي كسر ناتج عن حادث،...إلخ.

 

دور شركة التأمين

 

شركة التأمين بتدفع المبلغ التأميني مقابل قسط بسيط. ومن ضمن مميزات البوليصة، إنها ممكن تكون مرتبطة بـ بوليصة تانيه زي التأمين على الحياة، وممكن تكون بوليصة منفصلة.

وقيمة التغطية على تأمين الحوادث الشخصية بتبدأ من 25,000 ألف جنيه وبتوصل لـ 2,000,000 جنيه، والتعويض المالي بيكون في كذا حالة:

 

·       إرجاع النفقات الطبية الناتجة عن الحالات والحوادث التي تغطيها الوثيقة (مبلغ التعويض لا يتعدى 10% من قيمة التغطية).

·       العجز الجزئي المستديم ( مبلغ التعويض بيتحدد طبقا للجدول المرفق في الوثيقة).

·       العجز الكلي المؤقت (مبلغ التعويض بيكون في شكل صرف دفعات أسبوعية بحد أقصى لمدة سنة).

·       العجز الكلى المستديم (كامل قيمة التأمين).

·       الوفاة (كامل قيمة التأمين).

 

لو عايز تعرف أكتر عن تأمين الحوادث الشخصية ادخل هنا، ايه هو تأمين الحوادث الشخصية، تفاصيله وازاى اقدم عليه؟

 

ايه الحاجات اللي بيغطيها تأمين الحوادث الشخصية؟

 

المؤمن عليه بياخد تعويض مالي لو اتعرض لأي حادثة بشرط انها متكنش حادثة عمل.

الحادثة بتكون نتيجة عن حريق أو سقوط، أو حاجة مش متوقعة  وبتسبب ضرر جسماني للمؤمن عليه.

أغلب شركات التأمين بتدي التعويض المالي لو حصلت الحادثة في أي مكان في العالم ما عدا دول معينة بتبقى مكتوبة في البوليصة.

في حالة الإصابة ومحتاج تغطي مصاريفك العلاجية، الشركة بتدفع جزء من قيمة التغطية بنسبة لا تتعدى الـ 10% من مبلغ التأمين.

 

ايه هى مدة تأمين الحوادث الشخصية؟

 

في معظم الأوقات، تأمين الحوادث الشخصية بيكون على فترة طويلة وممكن توصل لحد سن الـ 65، والبوليصة مش بتكون مدى الحياة.

وفي نوع تاني من البوليصة وبتكون محددة لـ سنة واحدة بس، وممكن تتجدد كل سنة بموافقة المؤمن عليه.

 

احصل دلوقتي على تأمين الحوادث الشخصية من خلال فايدتي من مكانك

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط