faydety-logo-text

أخطاء بيعملها كل المبتدئين في استخدام الدبرياج: أمن نفسك

تاريخ النشر: 02 فبراير 2022

نصايح ببلاش

أخطاء بيعملها كل المبتدئين في استخدام الدبرياج: أمن نفسك

ماتنساش تسخن العربية قبل ما تتحرك

لو أنت مبتدئ في سواقة العربيات المانيوال فغالبًا من أكتر المشاكل اللي بتقابلك هي استخدام الدبرياج والعربية بتفصل منك كتير ودا بيخلي اللي وراك يزمرلك وطبعا ده بيوترك جدًا.

طيب تحل المشكلة دي ازاي؟! السر كله ورا إنك تتعامل مع الدبرياج بالطريقة الصح علشان العربية ماتبطلش منك وكمان ما تفركش في الأرض وتطلع مرة واحدة، المهم لازم تكون هادي.

 

التحكم في الدبرياج

 

مبدئيًا أنت بتدوس الدبرياج على الآخر وتجيب الغيار الأول، وتبدأ ترفع رجلك واحدة واحدة، ولازم تثبت رجلك في نفس النقطة اللي العربية اتحركت فيها، ومن ضمن المشاكل المتكررة إن في ناس بترفع رجلها مرة واحدة.

المهم دايمًا في قصة العربيات المانيوال إنك تثبت رجلك على الدبرياج علشان العربية ما تبطلش، وبعد ما بتدوس الدبرياج لغاية الاخر بتبدأ ترفع رجلك لغاية أما العربية تتحرك وتوقف في اللحظة دي وتوازن بنزين.

 

لما أعمل تأمين على عربيتي ايه هي المواقف اللي بيغطيهالي التأمين، إيه هي الـ 8 مواقف اللي يغطيها التأمين على العربية؟

 

خلي بالك

 

في عربيات بمجرد مابتدي غيار أول وترفع رجلك من على الدبرياج بتبدأ تتحرك لكن في عربيات تانية زي العربيات الكربراتير والعربيات القديمة  بتحتاج إنك تدوس سنة بنزين وتوازن مع الدبرياج علشان تطلع.

 

نصائح سواقة العربيات المانيوال للمبتدئين

 

·       اتأكد إنك قاعد على كرسي السواقة مستريح ورجلك طايلة كل الدواسات بشكل كويس، وهي بالترتيب من اليمين للشمال: البنزين والفرامل والدبرياج.

·       قبل ما تطلع بالعربية اتأكد من وضعية المرايات بحيث تعرف تشوف جنب الطريق مع جنب العربية.

·       قبل ما تدور العربية اتأكد من تموير الفتيس يعني عصاية الفتيس في النص مش مدية أي غيار، وبعدين علشان تتعامل مع الدبرياج بالشكل السليم اقرأ النصايح اللي فوق.

·       لما بتيجي تفرمل العربية لازم تضغط دبرياج مع فرامل علشان ماتبطلش منك.

 

سخن العربية قبل ما تتحرك

 

المحرك بيكون بارد بسبب الانتظار لفترة قبل التحرك بيها، والتسخين دا بيخلي دورة الزيت في الماكينة بتكتمل على كل أجزائها، والزيت بتزيد كفاءته مع التسخين لأنه بيتعرض للحرارة وبالتالي المحرك كفاءته بتكون أعلى.

هات عصاية الفتيس في النص "تمور الفتيس" وتدوس على البنزين لدقايق لكن في العربيات الأوتوماتيك مش بيكون محتاج تسخن لأنها بتعتمد على تسخين آلي بيرفع سرعة لفات المحرك للدرجة المطلوبة.

 

تعمل ايه لو عربيتك اتخبطت أو عملت أي حادثة؟ ما تقلقش التأمين يقدر يعوضك احصل على تأمين السيارة دلوقتي من خلال فايدتي في ثواني!

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط