faydety-logo-text

أرخص 10 مصادر للبروتين الحيواني والنباتي

تاريخ النشر: 08 فبراير 2022

نصايح ببلاش

أرخص 10 مصادر للبروتين الحيواني والنباتي

العدس من أرخص أنواع البروتين النباتية: 100 جرام منه فيهم 18 جرام بروتين

بتدور على أرخص مصادر البروتين الحيواني والنباتي علشان تجيب منهم احتياجك اليومي من البروتين وتظبط نظامك الغذائي عمومًا وكمان لو بتروح جيم تعرف تظبط الفورمة؟ هنقولك على حاجات غير اللحمة والفراخ.

 

1- زبدة الفول السوداني الطبيعية
 

يُفضل تعملها في البيت ولو فكرت تشترتيها من برا ركز في المكونات مايبقاش فيها زيت نخيل وزيوت كتير عمومًا وسكر علشان تكون صحية أكتر، خد معلقتين كبيرة منها فيها 8 جرام بروتين تقريبًا.

ممكن تحطها على الفاكهة ودقيق الشوفان أو تحطها على عصيرك، وليها فوايد صحية كتير زي إنها بتقلل فرص الإصابة بالأمراض المزمنة زي السكر والقلب.

 

2- البيض

 

مليان بالمعادن والفيتامينات والدهون الصحية والبروتين، وبيضة واحدة كبيرة فيها حوالي 6 جرام بروتين، والسعرات الحرارية فيها قليلة ممكن تدخل البيض في نظامك الغذائي.

 

3- الفول الأخضر (الفول الحراتي)

 

كوباية واحدة منه حوالي (155 جرام) فيها 17 جرام من البروتين، وفيه كل الأحماض الأمينية الأساسية اللي عاوزها الجسم، ويُعتبر من أفضل الخيارات للنباتيين.

 

4- التونة (السمك عمومًا)

 

التونة المعلبة من أسرع مصادر البروتين لكن المشكلة الوحيدة فيها الزئبق العالي في أنواع كتير جدًا علشان كدا حاول ماتكترش منها أوي وتلجأ أفضل للسمك، والـ 85 جرام فيهم حوالي 100 سعر حراري و20 جرام بروتين تقريبًا.

السمك السريدن مثلًا الـ 100 جرام فيهم 28 جرام بروتين وفيتامينات d و b12، والسمك البلطي الـ 100 جرام منه فيه 26 جرام بروتين.

 

5- الزبادي اليوناني

 

الـ 225 جرام منه فيهم حوالي 17 جرام بروتين تقريبًا يعني ضعف الكمية اللي موجودة في الزبادي العادي، وممكن تاكله لوحده أو تحطه على فاكهة.

 

يا ترى ايه مدى معرفتك بالمكملات الغذائية؟ اعرف أكتر من هنا: أشتري ايه مكملات غذائية للجيم والرياضة؟

 

الـ 200 جرام جنبة قريش فيهم 22 جرام بروتين

 

6- الجبنة القريش

 

من منتجات الألبان اللي فيها سعرات حرارية قليلة وفيها بروتين كتير، والـ 200 جرام منه فيهم 22 جرام بروتين تقريبًا و200 سعر حراري، وبتديك الإحساس بالشبع.

 

7- العدس

 

من أرخص أنواع البروتين النباتية 100 جرام فيهم 18 جرام بروتين، وقيمته الغذائية كبيرة لأنه غني بالألياف والبوتاسيوم والحديد وفيتامين B  كمان.

 

8- الشوفان

 

حبوب غنية بالبروتين ومفيهاش جلوتين ومش مُكلفة، والـ 100 جرام شوفان فيهم 15 جرام بروتين، والشوفان غني بالفيتامينات والمعادن والألياف وبيقلل مستوى الكوليسترول الضار في الجسم.

 

9- اللب السوري (بذور عباد الشمس)

 

من أرخص أنواع البروتين، والـ 100 جرام لب سوري فيهم حوالي 585 سعر حراري و20 جرام بروتين، ومن مميزاته إنه غني بالألياف الغذائية.

 

10- اللبن

 

لو معدتك مش حساسة وبتحب اللبن فهيكون خيارك المناسب للبروتين والـ 250 جرام منه كامل الدسم فيهم حوالي 9 جرام بروتين وفيتامينات ومعادن وكالسيوم وفسفور.

 

بمناسبة كلامنا عن البروتين قارن وقرر: الواي بروتين الأيزوليت والكونسنتريت والهيدروليزد؟

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط