faydety-logo-text

أسوأ 5 خطوات ممكن تعملها في مشوارك المالي

تاريخ النشر: 03 ديسمبر 2020

نصايح ببلاش

أسوأ 5 خطوات ممكن تعملها في مشوارك المالي

خطوات بسيطة ممكن توفرلك فلوس كتير

الواحد مبيحسش أنه مرتاح غير وهو مطمن أن وراه اللي يسنده، أهل وصحاب، أو شغل شاطر فيه، أو فلوس هتسد معاه فى اي حاجة مفاجأة تقبله! وده سبب أن لازم تركز فى كل قراراتك المالية عشان متندمش عليها في وقت الزنقة. فى خطوات كتير ممكن تاخدها عشان تطمن، بس اللي أهم منها أنك تتجنب الخطوات اللي هتأثر بشكل سلبي على مشوارك المالي.

 

1-مبتفكرش على المدى الطويل

 

الحياة مش بس" معايا كام النهاردة؟" في كمان “هصرف منين بكرة؟” عشان كده لازم تفكر على المدى الطويل وتحضر خطط لقدام، ممكن تبدأ بخطة لسنة وبعدها ل 5 سنين، ومع الوقت هتقدر تخطط كمان للمعاش أو التقاعد. لو الشغل مش مأمن عليك أمن على نفسك عشان تضمن وجود فلوس تسد معاك فى الحوادث، وممكن تشتري شهادات استثمار كل ماتلاقي معاك فلوس ممكن تستغني عنها كام سنة. ادخل على فايدتي عشان تلاقي الشهادة المناسبة ليك، وتتابع تغير سعر الفايدة أول بأول.

 

2-بتصرف من غير تفكير ومن غير خطة للميزانية؟

 

لو بتصرف من غير ما تحدد ميزانيتك اكيد هتتزنق آخر كل شهر. ابدا بتنظيم أولوياتك وشوف إيه الضروري وهيفضلك كام بعد كده تصرفه على الرفايع. ولو مبتعرفش تعمل ميزانية ممكن تستخدم واحد من أبلكيشن الموبايل المتخصصين فى تنظيم الميزانية، زي: 

مصاريف، و Money Manager، و Wallet، و Spendee، و Monefy.

 

ممكن تقدم على كريدت كارد عشان تستفيد من العروض اللي عليه وتقسط براحتك

 

3-مابتستفيدش من العروض المنتشرة على كل حاجة!

 

الـ Offers منتشرة طول السنة على كل حاجة تقريبا وده غير أن في مواسم العروض فيها بتقلل الأسعار للنص زي البلاك فرايداي اللي بيجي كل سنة فى نوفمبر، والأوكازيون بتاع الصيف، وده يخليك متتسرعش وتشتري اي حاجة من غير offer لانك هتندم بعد فترة قصيرة لما تلاقي أن سعرها قل. ابدأ وأفتح حساب فى البنك وحول عليه مرتبك عشان تستفيد من العروض اللي بتعملها البنوك مع المحلات خصوصا ال  Online Stores زي سوق وجوميا. ممكن كمان تقدم على كريدت كارد عشان تستفيد من العروض اللي عليه وتقسط براحتك، وده فايدتي هتساعدك فيه وتعرضلك كل البنوك عشان تختار الكارت المناسب لامكانياتك.


قدم علي الكريدت كارد/ فيزا مشتريات المناسب ليك من فايدتي دلوقتي في دقايق.
 

4-بتجمع اقساط اكتر من حاجة فى وقت واحد

 

الواحد لما بيشتري حاجة بالقسط بيحس أنه ملك، جاب اللي نفسه فيه ومخلصش كل اللي في جيبه مرة واحدة، بس ده مش معناه انك تزنق نفسك فى كذا قسط مرة واحدة لأن مع الوقت هتكتشف أنك معملتش حساب مصاريفك اليومية، وأن ممكن تحصلك أي مفاجآت تحتاج مبالغ كبيرة. الفخ ده بيقع فيه ناس كتير خصوصا اللي داخلين على جواز، حاول تتجنب الموقف ده ومتجمعش أقساط اكتر من حاجتين مع بعض.

 

5-بتشتغل بس عشان الفلوس!

 

لو مابتحبش شغلك ومختار وظيفتك بس عشان فلوسها هيوصل بيك الحال مع الوقت أنك هتبقي انسان كئيب معاه فلوس مش عارف يستمتع بيها. حاول تشتغل فى اللي بتحبه قبل ما تبص للماديات واكيد مع الوقت هتنجح فيه ومرتبك هيزيد. متنساش كمان وأنت بتمضي عقد توظيفك تتأكد أن في أي نوع من أنواع التأمينات، زي التأمين الصحي والاجتماعي، لأنهم أكيد هيفيدوك. 

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط