faydety-logo-text

أغرب 5 أنواع للتأمين ضد الحوادث بتقدمهم شركات عالمية

تاريخ النشر: 21 نوفمبر 2021

نصايح ببلاش

أغرب 5 أنواع للتأمين ضد الحوادث بتقدمهم شركات عالمية

إيه اغرب نوع للتأمين سمعت عنه قبل كده؟

التأمين أنواعه كتير عشان يغطي كل الحاجات الغالية علينا وخايفين عليها، من حادثة مفاجأة مثلاً أو خطر ممكن يتعرض ليه. بس معظمنا بيفكر في التأمين على الحاجات اللي ليها أهمية قصوى بالنسبالنا أو مُعرضة للخطر بشكل كبير، زي مثلاً التأمين على الحياة أو العربية أو البيت أو….إلخ. لكن فيه شركات اكتشفت مجالات مختلفة وغريبة محتاجة تأمين هي كمان ووفرت بوليصات تأمين ليها.

 

أغرب أنواع التأمين الموجودة فى العالم:

 

1- التأمين على حيوانك الأليف

 

ناس كتير في العالم بيحبوا حيواناتهم الأليفة بشكل كبير، ودايماً بيكونوا قلقانين على صحتهم ورفاهيتهم، وده خلى كتير من شركات التأمين تفكر في توفير بوليصة تأمين للحيوانات الأليفة ضد الحوادث.

 

2- بوليصة تأمين الموظف المثالي

 

بعض الشركات الكبيرة بتحاول تحافظ على أهم أو أشطر موظفينها، خصوصاً الموظفين المؤثرين على الأداء العام للشركة، وبيساهموا في نجاحها بشكل كبير، عشان كده فى  بوليصة للتأمين على أفضل موظف بالشركة، عشان يضمنوا نجاح الشركة.
 

بعض شركات التأمين عملت سياسات تأمين فعلية تقدر عن طريقها تأمن على بيتك وممتلكاتك ضد أي كوارث طبيعية

 

3- التأمين ضد النيازك والكويكبات

 

طبعاً الأحداث الكونية محدش يقدر يعرف هتحصل امتى ولا تأثيرها هيكون ايه قوته، فـ ممكن بكل بساطة ييجي نيزك أو كويكب صغير من الفضاء يغير كل حياتك من غير أي مقدمات، عشان كده بعض شركات التأمين عملت سياسات تأمين فعلية تقدر عن طريقها تأمن على بيتك وممتلكاتك ضد أي كوارث طبيعية، بما فيها وقوع نيزك أو كويكب عليه.

 

4- لو هربت العروسة يوم الفرح

 

حوادث كتير ممكن تحصل يوم الفرح، بس فرحة اليوم بتنسي أي حاجة بتحصل مهما كانت صعوبتها، بس فيه ناس ماتقدرش تعدي اليوم غير لما يكون مظبوط جداً وكامل من كل النواحي، عشان كده شركات التأمين عملت تأمين على يوم الفرح عشان يعدي بسلام ومن غير حوادث، حتى لو الحادثة دي هي هروب العروسة، الشركة هتعوضك بتكاليف الفرح عشان ماتخسرش كتير.

 

5- تأمين رحلات السفر بالطيران

 

الطيران يعتبر دلوقتي من أكتر وسائل النقل أمان في العالم، بس رغم كده في ناس كتير بسبب خوفهم من تاريخ حوادث الطيارات اللي حصلت قبل كده، فـ عشان كده ممكن المسافر يأمن على نفسه ضد أي حوادث ممكن تحصل في الجو أو حتى وقوع الطيارة.

لو عايز تعرف أكتر عن تأمين السفر ممكن تقرأ هنا، هل انت فعلا محتاج تأمين على السفر؟

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط