faydety-logo-text

الفرق بين مصاريف وأهداف أول السنة VS مصاريف اخر السنة

تاريخ النشر: 13 يناير 2022

نصايح ببلاش

الفرق بين مصاريف وأهداف أول السنة VS مصاريف اخر السنة

ازاي تستعد للسنة الجديدة بأهداف مناسبة وحقيقة

في أول السنة كلنا بنعمل ليستة كبيرة بكل الانجازات اللي عايزين نحققها في السنة دي، حتى لو جزء منها مش واقعي أو مدروس، وبنبدأ ناخد خطوات ايجابية كبيرة ناحية الانجازات دي عشان تتحقق أسرع، زي مثلاً تجديد اشتراك الجيم أو النادي، الاشتراك في كورسات جديدة عشان تطور من نفسك في مجال معين أو حتى مجال جديد عشان تعمل كارير شفت، وده بيكلفك مصاريف كتير في أول السنة.
 

الحماس الزيادة في الأول بيخلي الانجازات دي معظمها مابيكملش زي 92% من الناس، ودي مشكلة حقيقية اسمها "قرارات العام الجديد أو New Year's Resolution وهو انك بتعمل ليستة كبيرة بأهداف كتير من غير ما تعمل خطة واضحة تحقق بيها الهدف ده.

 والسبب هو ان مفيش خطة مدروسة لتحقيق كل هدف، ده غير ان اوقات كتير عدم دراسة الهدف كويس ممكن يجيب نتيجة عكسية، زي مثلاً لو هدفك تبقى شخص رياضي وبتروح الجيم كل يوم،  فـ ده بيخليك تاكل أكتر من المعتاد بحجة انك هتبدأ دايت ورياضة وكأن كل السعرات دي هتتحرق في أول يوم رياضة! ومع التأجيلات بتكتشف انك زدت في الوزن بدل ما تقل.

 

طب ازاي تحقق أهداف السنة الجديدة

 

1- بعد تحديد الهدف اللي عايز تشتغل عليه خلال السنة أنك تقسم الهدف لإنجازات صغيرة، زي خطوات بسيطة توصلك في الآخر لهدفك، فـ مثلاً لو هدفك تغير مجال شغلك وتعمل كارير شفت، يبقى أول خطوة تاخد كورسات في المجال الجديد، وممكن تستخدم Coursera هيساعدك في مجالات كتير.

 

2- اعمل خريطة زمنية للخطوات دي والتزم بيها، زي مثلاً: "على شهر 3 هتكون مخلص جزء معين من الكورسات".

 

3- خلي خطتك واقعية وعامل فيها حساب روتين يومك، يعني اعمل في خطتك حساب ساعات العمل ووقت اصحابك وعيلتك.

 

4- ماتستخسرش فى نفسك، طلع كريدت كارد/ Credit Card واصرف منها.
 

5- حوش في شهادة استثمار أو وديعة، عشان لو اتزنقت باقي السنة.

 

قارن ما بين شهادات الاستثمار والودايع على فايدتي من مكانك!

 

أما بالنسبة لآخر السنة:

 

لما بتكتشف ان معظم المصاريف اللي دفعتها في أول السنة مكانتش في مكانها الصح وياريتك كنت حوشتها أو استثمرتها كان زمانك دلوقتي بتصرف على اللي انت عايزه بجد، بس الحقيقة انه يوم عادي زي أي يوم مش لازم تضغط على نفسك عشان تلحق تخلص كل حاجة قبله، لأن ده هيخليك مابتخلصش كل حاجة بالشكل اللي تبقى راضي عنه وده هيسببلك ضغط أكبر على السنة اللي بعدها انها لازم تعوض فيها كل ده، وساعتها ترجع تاني للأهداف الغير منطقية اللي مبتتحققش، فـ خليك منظم في اختيار أهدافك وكمان في طريقة تنفيذها.


 

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط