faydety-logo-text

ايه المواقف اللي لما تحصل تعرف ساعتها انك محتاج تأمين؟

تاريخ النشر: 26 أكتوبر 2021

نصايح ببلاش

ايه المواقف اللي لما تحصل تعرف ساعتها انك محتاج تأمين؟

إيه نوع التأمين اللي محتاج له!

خسارة حاجة مهمة ممكن تيجي فجأة، ويفضل تبقى مأمن نفسك عشان متتأثرش بالضرر بشكل كبير، والتأمين من أكتر الحاجات اللى هتقف جنبك وتسندك وقت ما تتعرض لخطر.

 

يعني ايه بوليصة تأمين؟

 

هي وثيقة بتشتريها من شركة التأمين، وساعتها الشركة بتحميك من أي خطر تتعرض له لو كان يخص حياتك أو ممتلك عندك، وده بيبقى مقابل قسط شهري أو سنوي بتدفعه، وبتقدر تحدد الشئ أو الشخص اللي عايز تأمن عليه، وتقدر تملك أكتر من وثيقة مع شركة واحدة أو مع شركات مختلفة.

 

طب ايه هى المواقف اللى هتحتاج فيها تأمين؟

 

1- لو عايز تأمن على حياتك!

 

التأمين على الحياة من أشهر أنواع التأمين اللى ممكن تحتاجه، وهدفه أن شركة التأمين تأمن على حياتك ضد الحوادث.

 

والتأمين على الحياة ليه نوعين:

التأمين على الحياة فقط:

 

ومعناه أن شركة التأمين بتدفع مبلغ التأمين للأشخاص اللى حددتهم في بوليصة التأمين في حالة لو حصلت الوفاة خلال مدة البوليصة، ولو محصلتش الوفاة المبلغ التأميني بيروح للشركة.

 

التأمين على الحياة والإدخار:

 

وده بيشبه أول نوع يعني في حالة ان لو حصلت الوفاة خلال مدة الوثيقة الورثة بياخدوا المبلغ التأميني، ولو محصلش وفاة خلال المدة دي يبقى المؤمن عليه هو اللى بياخد المبلغ، وبيعتبر زي المعاش كده.

 

التأمين على الممتلكات هدفه الأساسي أن الشخص يأمن أي ممتلك ليه ضد السرقة أو الحريق

 

2- أمن ضد الحوادث!

 

فى نوع مش منتشر أوي للتأمين، وهو التأمين ضد الحوادث الشخصية اللي بيساعدك في حالة تعرض لأي نوع من الحوادث اللي ممكن يأدي للعجز الجزئي أو الكلي، أو بعد الشر للوفاة. فلو كنت بتخاف على نفسك من الحوادث اللي ممكن نتعرض لها طول الوقت، فالتأمين ده مناسب ليك.

 

أمن دلوقتي ضد الحوادث الشخصية من خلال فايدتي من مكانك.

 

3- أمن ممتلكاتك!

 

التأمين على الممتلكات هدفه الأساسي أن الشخص يأمن أي ممتلك ليه ضد السرقة أو الحريق ( بيضم البيوت والعربيات)

اعرف أكتر من هنا عن الفرق بين التأمين على الممتلكات والتأمين على الحياة؟

 

وامن بيتك دلوقتي من خلال فايدتي من مكانك

 

4- أمن على عربيتك!

 

لأن فجأة ممكن تحصل حادثة لعربيتك، وممكن ميكونش معاك تكلفة تصليحها، أمن من أول ما تشتريها للضمان.

 

تأمين السيارات ليه نوعين:

 

التأمين الإجباري:

 

النوع ده من التأمين اتطبق سنة 2007 في مصر، وبقي اجباري على كل شخص بيطلع رخصة أو بيجددها، وشركات التأمين بتاخد الفلوس من الأكشاك الموجودة في إدارات المرور.

 

التأمين التكميلي:

 

بوليصة التأمين دي بتبقى بـ اسم الشخص اللى مكتوب في رخصة السواقة، وأغلب الناس اللى بتقدم على التأمين التكميلي بتبقى واخدة قرض من البنك عشان تشتري العربية. والتعويض في معظم الأوقات بيكون لصالح البنك اللى أخدت منه القرض، وفي حالة انه حصلت سرقة لجزء من العربية فـ البنك ساعات بيسمح أن التعويض يروح لصاحب العربية.

 

وامن عربيتك دلوقتي من خلال فايدتي من مكانك

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط