faydety-logo-text

بمناسبة اليوم العالمي للادخار، ازاي تعرف انك مبذر!

تاريخ النشر: 01 نوفمبر 2021

نصايح ببلاش

بمناسبة اليوم العالمي للادخار، ازاي تعرف انك مبذر!

خلي بالك لو فلوسك رايحة على الحاجات دي!

إزاي تعرف إنك مبذر؟! عمرك واجهت نفسك بالسؤال ده قبل كده ولا بتهرب منه وشايف إن أي مشكلة مادية بتعاني منها بتكون من أسباب خارجية ومش أنت السبب خالص!

وبمناسبة اليوم العالمي للادخار اللي تم تأسيسه سنة 1924 خلال المؤتمر الدولي الأول للادخارات من قبل "الجمعية العالمية لبنوك الادخار، هنقولك على بعض العلامات اللي تجاوبلك على السؤال ده:

 

قاموس المبذر اللي بيضيع فلوسه من غير ما ياخد باله!

 

·       بيشتري أكل بكمية كبيرة أكتر من احتياجه.

·       بيطلب من على النت حاجات مش بيحتاجها ومش هتفيده.

·       بيدفع الاشتراك في الجيم بأسعار عضوية عالية ومابيروحش، وفاكر إنه لما يدفع بالسنة هيلتزم وما بيحصلش.

·       بيشتري كتب كتير من غير ما يقرأها.

·       بيشتري لبس واكسسوارات معينة لمجرد أنها براند بس.

·       بيعمل مشاوير جامدة بالعربية وبيصرف بنزين كتير مع إن في بعض المشاوير ممكن يعملها بالمواصلات زي يوم الشغل لو أمكن.

 

قارن مابين وسائل المواصلات العامة بدل ما تصرف بعربيتك، قارن وقرر، هتركب إيه أوبر باص ولا سويفل ولا الميكروباص؟

 

·       بيشترك في قنوات وبث كتير بس في النهاية ما بيتفرجش على حاجة.

·       أول أما بتيجي عينه على كلمة عرض بيطلبه حتى لو مش محتاجه.

·       بيدفع إيجار كبير في سكنه مع إمكانية تغييره لسكن مناسب بسعر أقل.

·       دفع مبالغ كبيرة في الفواتير زي فواتير الكهرباء والموبايل والتليفون الأرضي والإنترنت بسبب قل التركيز في استهلاكه.

·       شراء بعض السلع الترفيهية مش مناسبة لقدرته المادية ومش هتفرق كتير.

·       صرف مبالغ كبيرة في الخروجات العاطفية بشكل يفوق الحد علشان تبان للطرف التاني إن الفلوس عندك اخر حاجة!

·       تقليد اللي حواليك لمجرد إنك تعمل اللي بيعملوه في عاداتهم الشرائية بس.

·       عنده مبادئ غلط ماشي عليها زي "اصرف ما في الجيب يأتيك ما في الغيب".

·       ما بيتعلمش من أخطائه المادية وممكن يصرف فلوسه في حاجة بدون قيمة أكتر من مرة.

·       ما بيفكرش إنه يدخر من قبضه.. فكرة التحويش والتوفير مابتبقاش موجودة عنده أصلًا.

 

لو عندك على الأقل 3 من الصفات دي اعرف انك محتاج تظبط ميزانيتك، وده باستخدام حاسبة الميزانية من فايدتي، عشان تقدر تحدد التزماتك كل شهر.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط