faydety-logo-text

ازاى تحقق اللى نفسك فيه بالكريدت كارد؟

تاريخ النشر: 22 يونيو 2021

نصايح ببلاش

 ازاى تحقق اللى نفسك فيه بالكريدت كارد؟

اعرف 5 حاجات هتساعدك تحقق اللي نفسك فيه بالكريدت كارد!

كلنا عندنا أحلام كتيرة واقفة على الفلوس، فى اللى بيستنى دوره في الجمعية عشان يحقق حلمه، وفى اللى أول الشهر بالنسبة له عيد عشان هيقبض ويشتري اللى محتاجه.والانتظار ده ممكن يضيع عليك فرص كتيرة، عشان كده بنفترح عليك تقدم على كريدت كارد/ Credit Card تسد معاك فى الأزمات وتحقق أحلامك.


 

ازاي تحقق أحلامك باستخدام بطاقة الائتمان؟

 

1- الشوبينج!

 

كام مرة احتجت تعمل شوبينج وملقتش معاك كاش كفاية؟ دلوقتي بطاقة الائتمان هتسهل عليك وهتستخدمها في كل مشترياتك، وكمان تقدر تستفيد بالعروض اللى المحلات بتقدمها على نظام  التقسيط على بعض بطاقات الائتمان، وفي ميزة كمان بتقدمها الكريدت كارد/ Credit Card وهي الـ Bonus points/ نقط المكافأت، بمعنى ان الفلوس اللي صرفتها هترجعلك في شكل :
 

  • كاش باك/ Cashback على الكارت بتاعك وممكن تستخدم الفلوس دي في مشتريات تانيه
  • قسائم شراء/ Vouchers، وده بيبقى كوبون خصم بتستخدمه على منتجات معينة في محلات متعاقدة مع البنك بتاعك
     

2-  هتتجوز قريب؟

 

بتحضر لفرحك قريب؟ يبقي أكيد بتعمل شوبينج كل يوم، ومفيش غير الكريدت كارد/ Credit Card اللي هتسد معاك فى مفاجات الجهاز، خصوصا أنك تقدر تطلب من البنك يسحب الأقساط من مرتبك أول بأول من غير ما تتزنق فى نهاية فترة السماح.

 

استفيد بالعروض اللي المحلات بتقدمها لما تستخدم الكريدت كارد، وهى نقط المكافأت زي الكاش  باك ، قسائم الشراء وأميال السفر

 

3-  السفر!
 

لو بتحب تسافر كل فترة تتفسح وتغير جو، يفضل يكون معاك بطاقة ائتمان عشان تسهل على نفسك ومتتعرضش للسرقة لما تشيل كاش كتير، وكمان هتخليك تتعامل بعملة البلد اللى انت فيها، وممكن تختار بطاقة الائتمان بنظام مكافأت أميال السفر/ Travel Miles، اللى تقدر تستفيد بيها في حجز تذاكر الطيران.

 

اعرف أكتر عن استخدام بطاقة الائتمان في السفر من هنا، 5 نصايح لاستخدام الكريدت كارد وانت مسافر

 

4-  إشتري أونلاين!
 

عصر السرعة والشغل والشوبينج أونلاين محتاج طريقة دفع سريعة برضه أونلاين، ومن أهم ميزات بطاقة الائتمان هي القدرة على استخدامها أونلاين وعلى مواقع أجنبية كمان بالعملات الأجنبية، ومش بتحتاج تكون متفق مع البنك من البداية على استخدام عملة محددة، زي ما شهادات الاستثمار مثلاَ عندها أنواع بعملات مختلفة، ده غير ان فى كروت للاستخدام اونلاين بس. اهم حاجة تاخد بالك وانت بتدخل بيانات الكارت أن يبقى الموقع موثوق فيه. 

 

ادخل على محول عملات فايدتي، لو عايز تعرف اخر أسعار العملات الأجنبية بالمقارنة بـ الجنيه في البنوك المصرية.

 

اعرف اكتر ازاي تقدر تحمي كارتك من هنا، إزاي تحمي الكريدت كارد (بطاقة الائتمان) بتاعك؟
 

5- طور من نفسك!
 

طور من شغلك ومن مهاراتك بأنك تاخد كورسات فى مجالك وادفع بالكريدت كارد/Credit Card بسهولة على مواقع زي Coursera و Udemy، أشهر المواقع العالمية للكورسات الخاصة بالـ ديجيتال ماركتينج مثلاً.

 

قدم دلوقتي على الكريدت كارد/ Credit Card اللي محتاجه مع فايدتي في دقايق ببلاش.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط