faydety-logo-text

10 خطوات مهمة تبدأ بيها الـ startup بتاعك

تاريخ النشر: 28 أكتوبر 2020

نصايح ببلاش

10 خطوات مهمة تبدأ بيها الـ startup  بتاعك

لو عايز تبتدى مشروع ركز فى النقط دى!

فى الفترة الأخيرة زادت الشركات الناشئة أو المعروفة عالمية ب Startup، ومع زيادة أقبال الناس على استخدام الأبلكيشن والويب سايت اللي بتنتج عن المشاريع دي، زاد حب الشباب لبداية مشروعهم الناشئ الجديد، لكن الموضوع مش بالسهولة اللي يبان بيها فى الاول، عشان كده هنقولكم على أول الخطوات اللي محتاج تطبقها فى مشروعك عشان تضمن نجاحه.

 

1-  الفكرة: دور على فكرة بتخدم الناس خصوصا فى حياتهم اليوميه، ياريت تبقي جديدة أو على الأقل تقدر تجدد فيها عشان تبقي مميزة وتقدر تجذب بيها أكبر عدد من الجمهور. 

 

اعرف أكتر عن ازاي تجيب الفكرة: ازاي تبقي صاحب Startup ناجحة: الفكرة!

 

2-  خطة العمل: حط خطة لشغلك وابدأ فكر فى الخطوات اللي محتاج تبدأ بيها، زي مين اللي محتاج توظفه الأول.

 

3- وظف ناس متفائلة : ال Startup محتاج ناس نفسها طويل عشان سكته طويلة، فمحتاج توظف ناس متفائلة ببكرا وعندهم استعداد يشتغلوا من غير مايبقوا متأكدين إيه اللي هيحصل بكرة. 

 

ازاي تعمل دراسة جدوى ناجحة؟ اعرف أكتر من هنا: ازاي تبقي صاحب ستارت أب/ Startup ناجحة ؟ دراسة الجدوي

 

 4-  Business incubator : دور على  الشركات اللي بتدعم المشاريع الناشئ فى بلدك عشان يساعدوك تقف ويمولوا مشروعك فى البداية.

 

الميزانية: خدت تمويل أو ماخدتش حاول تحافظ دايما على ميزانيتك عشان متخلصش كل فلوسك فى حاجات ملهاش لازمة، زي مقر كبير للشركة  وأنت لسه فى البداية وموظفيك قليلين .

 

5-  دور على التمويل: كل شركة فى بدايتها مابتطلش مكسب قد ما بتحتاج فلوس تتصرف عليها، فشوف أحسن تمويل بالنسبة لك إيه، فى طريقين، أنك تأخد قرض من البنك وده هيبقي ليه مدة محددة لازم تسدده فيها، أو أنك تدخل شركة كبيرة كشريك ليك بنسبة فى أسهم الشركة قدام التمويل طبعا.

 

6-  أهتم بالتسويق: طبعا الأهم من الشغل تظبيط الشغل، يعني إيه أهمية مشروعك لو مفيش حد يسمع عنه ولا بيستخدمه، فلازم تحط خطة للتسويق من بدري وفيها كمان التسويق عن طريق الانترنت عشان تقدر توصل لأكبر عدد من الجمهور بأرخص الطرق على الأقل فى البداية.

 

اعرف أكتر عن أهمية استخدام التكنولوجيا في المشروعات الناشئة من هنا: ازاي تبقى صاحب شركة ناشئة / Startup ناجحة: التكنولوجيا!

 

7- التكنولوجيا: بيل جيتس قال عن التكنولوجيا: "We're changing the world with technology"  وده يخلينا نستخدمها فى كل شغلنا عشان تساعد في تكبير المشاريع، فحاول تدور على أهم التطبيقات والمواقع اللي ممكن تفيدك، ولو كنت ناوي تعمل ويب سايت بس فكر تعمل كمان ابلكيشن على الموبايل عشان تبقى أقرب لجمهورك.

 

8- سوق العمل: ادري سوق العمل كويس وخصوصا المجال اللي اخترته لمشروعك عشان تبقى عارف كل جديد فيه، وكمان تبقي فاهم منافسينك وعارف كل خططهم اللي جاية.

 

9- الميزانية: خدت تمويل أو ماخدتش حاول تحافظ دايما على ميزانيتك عشان متخلصش كل فلوسك فى حاجات ملهاش لازمة، زي مقر كبير للشركة  وأنت لسه فى البداية وموظفيك قليلين .

 

10- حافظ على حماسك: ممكن مع الشغل الكتير وتعبه والمشاكل اللي هتقابلها تفقد حماسك وتزهق من مشروعك أصلا، بس حاول تفكر نفسك دايما أنك أكبر مشجعينك وأن مفيش حاجة بتكبر فى يومين، وأن شغلك بس هو اللي هيحققلك اللى نفسك فيه.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط