faydety-logo-text

10 قرارات لازم تاخدها في السنة الجديدة، أهمها التأمين!

تاريخ النشر: 13 يناير 2022

نصايح ببلاش

10 قرارات لازم تاخدها في السنة الجديدة، أهمها التأمين!

تطور من نفسك ازاي في 2022؟

حطيت خططك للسنة الجديدة ولا لسه؟  سواء آه أو لا ماتنساش تراجع الـ 10 قرارات دول لأنك لازم تاخدهم معاك في 2022 وهيفرقوا معاك كتير.

 

1-    قوم من ع السرير

 

لو طبيعة شغلك عمل حر freelancer من البيت حاول تقعد على مكتب بلاش السرير، وكل شوية قوم اتحرك علشان ما تحسش بملل وكمان لو بتشتغل عادي وبتروح البيت ماتقضيش وقتك باقي اليوم لغاية اليوم اللي بعده على السرير حاول تعمل حاجة مُسلية ومفيدة.

 

2-    حط نوتة جنب السرير

 

لو بتعاني من مشاكل في النوم احتفظ بـ NoteBook جنب السرير تقدر تكتب فيها يومك كان ماشي ازاي وخطط لليوم اللي بعده ومواعيدك وكل حاجة ولو حاجة جت في بالك اكتبها غالبًا في أفكار عظيمة جدًا بتجيلنا قبل ما ننام.

 

3-    القراءة

 

حاول تدخل العادة دي في يومك بداية من السنة الجديد ومش هنقولك خلص كتاب في أسبوع أو شهر بلاش تربط نفسك بمعدل زمني لو شايف إنك ممكن ما تعملش كدا.. ابدأ بصفحتين بس في اليوم  وهتلاقي نفسك حبيت الموضوع.

 

4-    اعمل رياضة

 

لو دافعت اشتراك الجيم وكل شوية تقول بكرة هبدأ عندك مساحة دلوقتي تبدأ مع بداية السنة الجديدة وتروح الجيم وتعمل فورمة وكمان لو بتحب تمارس هواية معينة اعملها المهم يكون في يومك رياضة حتى لو مشي منتظم أو جري أو ركوب العجلة.

 

5-    العلاقات الاجتماعية

 

ماتخليش سرعة الحياة تنسيك إن ليك أهل لازم تسأل عليهم وتقعد معاهم وتديهم جزء من وقتك سواء كنت لسه قاعد معاهم بعد ما ترجع من شغلك أو لو أنت متجوز ماتنساش تروح تزورهم مرة أسبوعيًا على أقل تقدير وكمان تكلمهم على الموبايل بصفة مستمرة.

 

طور من نفسك ومن مهاراتك في السنة الجديدة زي إنك تتعلم لغة جديدة

 

6-    اتعلم لغة جديدة

 

طور من نفسك ومن مهاراتك في السنة الجديدة زي إنك تتعلم لغة جديدة هتنفعك في شغلك زي الانجليزي مثلًا ابدأ اسمع أغاني أجنبي كتير واتفرج على افلام بدون ترجمة هتحس بفرق.

 

7-    راجع قايمة نشاطاتك

 

كتير أوي بنعمل في بداية السنة قايمة مهام  نعملها ومش بنفتكرها غير في نهاية السنة فحاول بصفة مستمرة وليكن كل شهر مثلًا تبص في القايمة دي وتراجع أنت أنجزت ايه وايه لسه، واللي ما تعرفش تخلصه في المدة المحددة حاول فيه مرة تاني وقيم نفسك أول بأول.

 

8-    المرونة في التعامل مع الفلوس

 

لو محتاج تشتري حاجة بس مش معاك فلوسها بالكامل تقدر تدخل جمعية أو تطلع كريدت كارد الموضوع هيفرق معاك جدًا وهيخليك تعرف تشتري كل اللي نفسك فيه.

اعرف اكتر عن الجمعيات من هنا، ازاي تدخل جمعية من غير ما يتنصب عليك؟

 

9-    أمن على عربيتك

 

عملت حوادث كتير قبل كدا أو خايف على عربيتك طيب ما أنت ممكن في السنة الجديدة تاخد قرار بالتأمين هيفرق معاك، والتأمين هيحمي عربيتك في حالة وقوع حادث مفاجئ.

 

احصل دلوقتي على  تأمين عربيتك من خلال فايدتي من مكانك!

 

10-  أمن على بيتك

 

خد قرار السنة  دي وأمن على بيتك واحمي نفسك وعيلتك، لأن البيت ممكن يكون الاستثمار الوحيد اللي سايبه لاولادك! 

احصل على تأمين بيتك من خلال فايدتي دلوقتي!

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

للتعويضات : 201003916623

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط