faydety-logo-text

5 أرقام مصاريف لازم تعمل حسابها من دخلك أول كل شهر!

تاريخ النشر: 12 ديسمبر 2021

نصايح ببلاش

5 أرقام مصاريف لازم تعمل حسابها من دخلك أول كل شهر!

احسب مصاريفك أول بأول قبل ماتداين!

كل شهر بتعمل حسبه عشان تشوف هتصرف كام من دخلك وهتحوش منه اد ايه، وطبعا لازم تعمل حساب المصاريف الثانوية زي اللبس، والخروج، والسفر، واللي على أساسها هتظبط حسبتك، بس يا ترى ايه المصاريف اللى لازم تعمل حسابك عليها كل شهر؟


 

1- البيت ومصاريفه
 

لو عايش في بيت قانون جديد، فـ هيبقى عندك إيجار هتدفعه  كل شهر، وهتعمل حسابك ان بعض الملاك بيزودوا نسبة على الإيجار كل سنة، بس في حل هيساعدك تخلص من الإيجار وأنه يكون عندك بيت ملك ليك، وهو التمويل العقاري ( قرض المنازل)، وهتدفع مقدم بسيط، وتكمل الباقي اقساط لحد 30 سنة. ومتنساش تأمن على بيتك عشان ماتتزنقش فى مصاريف زيادة لو حصل ليه اي كوارث طبيعية أو غير طبيعية.

 

لو عايز تعرف أكتر عن التمويل العقاري اقرأ هنا، أخر تعديل في شروط مبادرتي التمويل العقاري الـ3 و8%!

 

وبالنسبة لمصاريف البيت، فـ عندك فاتورة الكهرباء، والغاز، والمايه، وتصليح الأسانسير، وغيرهم لو أي حاجه باظت عندك في البيت مثلا، وتقدر تحدد ليهم ميزانية ممكن تزيد أو تقل على حسب الاستهلاك.

 

2- قسط الكريدت كارد - Credit Card!
 

لو معاك بطاقة ائتمان يبقى لازم تحسب صرفت منها اد ايه كل شهر عشان تظبط مصاريفك عليها من غير ما تزنق نفسك، وتاخد بالك من فترة السماح اللى هتدفع فيها الأقساط، واللي بتبقى بين 45 لـ 58 يوم، ولو سددت كل شهر في الميعاد هتستفيد من نقط المكافآت/ Bonus Points زي:

 

  • كاش باك/Cash Back
  • قسائم الشراء/ Vouchers
  • أميال السفر/ Travel Miles
     

قارن البنوك قبل ماتقدم على  كريدت كارد /Credit Card مع فايدتي من مكانك.
 

3- قسط العربية!
 

لو قررت تشتري عربية بالتقسيط، يبقى لازم تعمل حسابك ان هتدفع قسط كل شهر على حسب المدة اللي متفق عليها مع البنك لو واخد قرض سيارة أو لو بتقسط بشكل مباشر من المالك. ومتنساش تأمن العربية عشان يسد معاك فى الحوادث وتضمن متتدبسش فى فلوس زايدة عليك!

 

احصل دلوقتي على تأمين السيارة من خلال فايدتي!
 

المصاريف الثابته مش معناها أرقام ثابتة بتدفعها كل شهر، بس برضه ممكن تكون مصاريف متغيرة

 

4- مصاريفك الشخصية
 

المصاريف الثابته مش معناها أرقام ثابتة بتدفعها كل شهر، بس برضه ممكن تكون مصاريف متغيرة، ولازم تدفعها كل شهر زي المواصلات، والأكل من بره، والسفر، وغيرهم، وبتضم كمان لو حصلك ظرف زي: مناسبة أو تعب مفاجئ.
 

5- احسب ديونك
 

أقساط الديون بتعتبر من أهم المصاريف اللى بتطلعها من دخلك الشهري، ونوع الدين بيختلف على حسب إذا كان:
 

  • قرض شخصي
     

وده مبلغ بتستلفه من البنك عشان تظبط امورك الشخصيه، وبتدفع قسط كل شهر على مدة ممكن توصل لـ 7 سنين.

 

قارن  القرض الشخصي في البنوك المختلفة مع فايدتي في دقايق من مكانك.
 

  • أي نوع من القروض

فى أنواع كتير للقروض منها المعروف زي القرض الشخصي وقرض العربية وفى حاجات تانية مش مشهورة،

 ممكن تقرأ عنها هنا، 5 أنواع مش مشهورة من قروض البنوك

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط