faydety-logo-text

5 أسباب تخليك تعرف مراتك مرتبك: هتخلي قلبها عليك

تاريخ النشر: 07 فبراير 2022

نصايح ببلاش

5 أسباب تخليك تعرف مراتك مرتبك: هتخلي قلبها عليك

لما تعرف مراتك مرتبك مش هيبقى في مشكلة لما تجيبلها هدية القد

هي مراتك من حقها تعرف مرتبك كام؟ هو صح إنك تشاركها أمورك المالية وهي كمان لو بتشتغل المفروض تقولك ولا لا؟ ولو انتوا الاتنين قولتوا لبعض ايه الاستفادة هل دا مفيد يعني؟

هنقولك على 5 أسباب عقلانية جدًا تخليك تعرف مراتك مراتبك وأنت مستريح وهتخلي قلبها عليك ما أهو أنتوا الاتنين في نفس المركب وكل الأمور لازم تكون واضحة وماتنساش إن انتوا الاتنين بقيتوا واحد وفي بيت مفتوح كمان.

 

1- علشان تريح بالك من الطلبات كتير

 

بص لو مراتك فاكرة إنك شغال مدير بنك ومرتبك كله أصفار كتير وإنك فيزا ماشية على الأرض فدا هيخليك تتعب كتير لأن الطلبات هتبقى مستمرة مش أساسيات بس لا كمان رفاهيات ممكن تلاقي نفسك بتحط فلوس في حاجة ملهاش قيمة أوي والمرتب كله بيروح أونطة.

الأفضل إنك تفهمها أمورك المادية ماشية ازاي والرقم اللي بيدخلك في الشهر لازم يتعمل بيه الأساسيات وبرضو يكون في جزء للطوارئ ودا مش بخل ولا  حاجة دي الحكمة في التعامل مع الفلوس.

 

خلي بالك لو فلوسك رايحة على الحاجات دي! اعرف أكتر من هنا: بمناسبة اليوم العالمي للادخار، ازاي تعرف انك مبذر!

 

كل حاجة بالعقل في المصاريف بتخلي المركب تمشي مستريح من غير ما تغرق

 

2- كل حاجة في الحدود

 

وأنت خاطب أو مصاحب الموضوع بيبقى مختلف تمامًا لأن الحب بيبقى واخدك خالص وبتبقى عاوز تبان واد جنتل وحبيب قدامها مش بخيل فتلاقي نفسك بقيت مبذر وبتصرف فلوس كتير لكن بعد الجواز المفروض الموضوع يكون مختلف.

المصلحة بقت واحدة وفي بيت مفتوح وهي لما تعرف أمورك المادية ماشية هتبقى قلبها عليك في أي طلب وبرضو هتخرجوا وهتتفسحوا وتنبسطوا بس كل حاجة في حدود المعقول.

 

3- وأنت بتجيب هدية

 

لما مراتك تبقى عارفة عنك أنت بتقبض كام مش هيبقى في مشكلة لو جبتلها في الفلانتين أو في عيد ميلادها أو عيد جوازكم هدية بسيطة كفاية قيمتها بالنسبالها هتبقى كبيرة جدًا مش لازم تكون غالية يعني.

 

4- تتكلم معاها في موضوع التحويش

 

لازم تكون مفهم مراتك إن المرتب اللي بيدخلك دا لازم برضو يكون فيه جزء تحويش علشان الطوارئ وتقدر تظبط ميزانيتك الشهرية معاها والفلوس اللي تشيلها على جنب للزمن من هنا:

حاسبة الميزانية الشهرية اونلاين.. احسب دلوقتي ميزانيتك الشهرية اونلاين ببلاش

 

5- شاركها حسبة الشهر

 

خليها تشوف بنفسها ايه المصاريف اللي بتتصرف كل شهر في الأساسيات ومفيش مانع طبعًا لو خليتها تمسك مصروف البيت وترجعوا لبعض أول بأول دا هيخليها حريصة في التعامل مع الفلوس.

 

أما لو لسه مصاحب ومش عاوز تخرب الدنيا  في المصاريف اعرف أكتر من هنا: المصاحبة مش لازم تخرب البنك

اختيار المحررين

إيه هو نظام التأمين في مصر؟ وايه هي أنواعه؟.


faydety logo text

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط