faydety-logo-text

5 أسواق شعبية تشتري منهم حاجتك أوفر من الانترنت

تاريخ النشر: 13 يناير 2022

نصايح ببلاش

5 أسواق شعبية تشتري منهم حاجتك أوفر من الانترنت

جربت تنزل واحد من الأسواق الشعبية!

هنقولك على 5 أسواق شعبية في القاهرة تقدر تشتري منها كل اللي أنت عاوزه أوفر من الانترنت وكمان هتلاقي كل اللي بتدور عليه لأنه في عرض كبير، وكلهم موجودين في منطقة وسط البلد قرب الأزهر.

 

كل اللي بتدور عليه بأفضل سعر في مكان واحد بس:

 

1-   خان الخليلي: الهدايا والتذكارات

 

موجود في القاهرة، ويُعتبر من المعالم السياحية الرئيسية اللي تاريخها بيرجع للعصر المملوكي، ودايمًا بيتواجد فيه سياح كتير وهتلاقي فيه دكاكين صغيرة جنب بعض عليها رسوم وكتابات هيروغليفية، ويُعتبر أفضل الأسواق الشعبية لشراء الهدايا والتذكارات.

 

2-   حارة اليهود: لعب الأطفال

 

في وسط البلد، وفيها محلات بيع الألعاب اللي بتختلف في أشكالها وأسعارها والمواد المصنعة منها، ومن مميزات حارة اليهود إنها سوق شعبي لألعاب الأطفال بأفضل أسعار وكمان هتلاقي كل المستورد ومحلات صغيرة وموزعين صغيرين وأسعار جملة كويسة جدًا.

 

3-   سوق الغورية: صناعة وخياطة الملابس

 

شارع عريق موجود في منطقة الجمالية بالقاهرة، اللي أسسه السلطان قانصوه الغوري، زمان كان اسمه حي "الشرابشيين" ومتخصص في صناعة وخياطة الملابس السلطانية، والغورية مشهورة بنظام الوكالات في البيع والشراء من بداية نشأة السوق، وده المكان اللي كتب فيه الأديب الراحل نجيب محفوظ ثلاثيته الشهيرة: "قصر الشوق، السكرية وبين القصرين".

 

واتعرف من زمان بصناعة كسوة الكعبة سنويًا، وكانت بتتعمل في مصر وبتتبعت للحجاز في موكب باسم "المحمل"، وكان اللي بيشتغل فيها حرفي مميز، ويُعتبر من أشهر أسواق القاهرة في صناعة الخيم.

 

4-   درب البرابرة: لوازم السبوع وأعياد الميلاد

 

أشهر سوق للوازم السبوع والبيت بالكامل، ولو بتفكر تجهز عروسة فدا أفضل مكان كمان، وهتلاقي أى قطع ديكور للمنزل سواء ديكورات قديمة أو عصرية، وهتلاقي فيه كتير من قطع الديكور الأنتيكة اللي بتختلف أسعارها باختلاف قيمتها.

من الأسواق الشعبية المميزة اللي هتلاقي فيها مستلزمات الاحتفال بأعياد الميلاد المختلفة، والحلوى بمختلف أحجامها وأسعارها، وفي المواسم كمان زي المولد النبوى الشريف، المحلات بتتملي بالعرائس المصنوعة من الحلوى والبلاستيك.

 

5-   سوق الخيامية : السجاد والخيام والسرادقات

 

موجود في الغورية قرب باب زويلة، والشارع طوله 100 متر تقريبًا، وزمان كان عبارة عن اسطبل خيول بس، ولكنه مشهور حاليًا بصناعة السجاد والخيام والأقمشة الملونة اللي بتستخدم في عمل السرادقات، واتسمت باسم الصناعة نفسها في أيام الدولة الفاطمية.

واتعرف من زمان بصناعة كسوة الكعبة سنويًا، وكانت بتتعمل في مصر وبتتبعت للحجاز في موكب باسم "المحمل"، وكان اللي بيشتغل فيها حرفي مميز، ويُعتبر من أشهر أسواق القاهرة في صناعة الخيم.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط