faydety-logo-text

5 حاجات ممكن تستلفها بدل ماتشتريها

تاريخ النشر: 20 أبريل 2021

نصايح ببلاش

5 حاجات ممكن تستلفها بدل ماتشتريها

وفر فلوسك قبل ما تشتري!

لما تيجي تفكر في الحاجات اللي بتحتاجها في حياتك هتلاقي إن فيه حاجات كتير ممكن تشتريها وتستخدمها مرة أو مرتين بالكتير، وساعات بتدور عليها بالأيام وفي أماكن كتيرة لحد ما نلاقيها وبتفضل تحوشلها بالشهور عشان تجيبها. وعشان الفلوس مش بتيجي بالساهل احنا هنقولك عن الحاجات اللي ممكن تستلفها ومتضيعش فيها فلوسك. 

 

1-  الكريدت كارد!

 

مش بس ممكن تستلف حاجات، انت كمان تقدر تستلف فلوس والكريدت كارد أنسب حل ليك لو عايز تستلف فلوس وتشتري حاجة، لإن ممكن ترجعها في خلال فترة قصيرة من 48 لـ 58 يوم. يعني مثلا لو مرتبك خلص ومحتاج تشتري حاجة ضروري هتستخدم بطاقة الائتمان وترجع الفلوس أول ما تقبض. 

قدم دلوقتي علي الكريدت كارد اللي محتاجها علي فايدتي في دقايق.

 

2- الكتب!

 

لو أنت دودة قراية  وكل ما تنزل كتب جديدة تشتريها في وقتها، ممكن توفر فلوسك وتستلف الكتب من صحابك أو من المكتبات، ولو بتحب تحتفظ بالكتب وتقراها أكتر من مرة تقدر تشتريها من أماكن بأقل من نص التمن زي " سور الأزبكية" أو تنزلها أونلاين خصوصا من المواقع اللي بتعرضها ببلاش.

 اعرف أكتر عن تحميل الكتب أونلاين من هنا، 5 واقع لتحميل الكتب PDF  مجانا بعد تأجيل معرض الكتاب

 

الكريدت كارد أنسب حل ليك لو عايز تستلف فلوس

 

3-  الهدوم السواريه!

 

لو عندك مناسبات كتير وبتشتري طقم جديد لـ كل مناسبة تجيلك، ممكن تستفيد بـ فلوسك في حاجة أهم وتستلفي الفستان من قرايبك وتلبسيه بطريقة مختلفة أو تأجري الفستان من أي محل بـ سعر أقل بكتير مقارنة لو كنتي هتشتريه، ونفس الحال بالنسبة للبدلة، ممكن تستلف من صاحبك اللي بيلبس مقاسك.

 

4-  شنط السفر!

 

السفريات ساعات بتيجي فجأة وممكن تجيلك سفرية طويلة شوية وتكون مش عامل حسابك في شنطة سفر كبيرة تشيل فيها كل حاجتك، ولأن الشنط دي معظمها غالية بالنسبة أنها موسمية أصلا، فـ السلف يعتبر أحسن حل ليها.

 

5-  الاشتراك على حساب نيتفلكس 

 

ومالو لو عايز تدلع نفسك شوية وتتفرج علي فيلم جديد علي النتفليكس، بس ده مش معناه انك تدفع اشتراك شهري إذا كنت تقدر تأخد الأكونت من أخوك، أو صاحبك مرة في الشهر مثلا ببلاش، وابقي ردها له في حاجة أهم.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط