faydety-logo-text

5 طرق للتوفير في الأكل بمناسبة الـ world food day

تاريخ النشر: 14 أكتوبر 2021

نصايح ببلاش

5 طرق للتوفير في الأكل بمناسبة الـ world food day

بتوفر فى الأكل ولا بتصرف من غير تفكير؟!

يوم 16 أكتوبر من كل سنة، العالم بيحتفل باليوم العالمي لتقدير الاكل اللي بناكله، وكمان علشان نعالج الجوع في العالم، واليوم دا بالتحديد بيصادف إنشاء منظمة الأغذية والزراعة في عام 1945.World Food Day  بتحتفل بيه منظمة الأغذية والزراعة للأمم المتحدة (الفاو) تحت شعار "أعمالنا هي مستقبلنا: إنتاج أفضل، وتغذية أفضل، وبيئة أفضل وحياة أفضل"  نظرًا لأهمية اختيار الطعام وكميته وطريقة استهلاكه ودوره على صحتنا.

 

شوية طرق هتخليك توفر في الأكل وصحتك أفضل

 

1-   قلل الدليفري

 

علشان المصاريف الزيادة وحياتك هتبقى صحية أكتر بعيدًا عن الوجبات السريعة اللي مليانة سكر وملح ودقيق وزيوت وغيرها.

 

2-   حط الأكل في التلاجة
 

تخزين الأكل بطريقة صح هيوفر عليك تكلفة كبيرة بدل ما الأكل يبوظ لأنك هتقدر تستفاد منه أكتر من غير هدر، واتعود قبل ما تشتري أي منتج لازم تعرف تاريخ بداية ونهاية الصلاحية بتاعته علشان تتأكد هتقدر تستفاد منه فترة اد ايه وفلوسك ماتترميش في الأرض.

 

حدد الليستة بتاعتك قبل ما تنزل تشتري من السوبر ماركت

 

3-   اكتب طلباتك في ورقة!

 

حدد هدفك قبل ما تنزل تشتري من السوبر ماركت، لأنك في النهاية بتكتشف أنك اشتريت حاجات كتير بمبلغ كبيروفي الاخر الأكل هيبوظ ومش هتستفيد منه أو هتاكل أكتر من احتياجك.

وكمان ما تجريش ورا الخصومات اللي على المنتجات وخلاص، وفكر قبل ما تشتري ايه اللي أنت عايزه بالظبط وبننصحك قبل ما تنزل تشتري اكتب كل اللي محتاجه في ورقة.

 

4-   افتكس أكله جديدة

 

كتير بتفتح وتقفل التلاجة تلاقي نفس الحاجة وبعد شوية بتلاقي نفس الحاجة برضه مفيش جديد! طب ايه رأيك تستخدم المكونات المختلفة دي في ابتكار أكله جديدة علشان تستفيد من اللي عندك وتوفر فى نفس الوقت.

 

5-   اتعلم الطبخ

 

عارفين إن وقتك ممكن يكون ضيق وممكن تكون مش بتحب المطبخ لكن الموضوع دا هيوفر عليك حاجات كتير جدًا مش بس الفلوس لكن إنك تاكل أكل صحي، ولو ماشي على نظام غذائي معين هتعرف تحسب سعراتك بنفسك.

اختيار المحررين

إيه هو نظام التأمين في مصر؟ وايه هي أنواعه؟


faydety logo text
google
apple

سياسة فايدتى

إخلاء المسئولية

سياسة خصوصية

شروط الاستخدام

فايدتى للوساطه فى التأمين

رقم التسجيل فى هيئة الرقابة المالية: 105

للتواصل و الشكاوي : 01003866521

الإيميل : [email protected]


في حالة عدم رضائك عن الخدمة يحق لك تصعيد الشكوى الى مقر الهيئة العامة للرقابة المالية أو عبر موقعها الإلكتروني www.fra.gov.eg

موقع فايدتي حاصل على موافقة الهيئة العامة للرقابة المالية بتاريخ 1/9/2021

للتعرف علي دليل حماية المتعاملين أضغط هذا الرابط