6 لاعيبة كرة قدم مأمنين على ايديهم ورجليهم!

تفتكر ايه أهم حاجة لاعب كرة القدم ممكن يأمن عليها؟ أيوة بالظبط زي ما فكرت هي الايد والرجل بالنسبة لحارس المرمى واللاعب، لأنها مصدر دخله الأساسي وموهبته، وإصابات الملاعب ممكن تطول وبتحتاج تأهيل طويل علشان يرجع لنفس المستوى.

 أشهر لاعيبة كرة القدم المأمنين هما:

1-   ليونيل ميسي

الأسطورة الأرجنتينية ولاعب فريق باريس سان جيرمان الفرنسي مأمن على رجله الشمال بـ 900 مليون دولار، ويُعتبر أغلى تأمين بين كل لاعبي كرة القدم في العالم.

2-   ديفيد بيكهام

تعرف إن الإنجليزي ديفيد بيكهام اللي لعب لعمالقة أوروبا زي: ريال مدريد ومانشستر يونايتد قرر يأمن في 2006 على رجليه بمقابل وصل إلى 195 مليون دولار.

3-   كريستيانو رونالدو

الدون رونالدو، لاعب مانشستر يونايتد الحالي، في عام 2009 أمن على رجله بوثيقة تأمين وصلت لـ 144 مليون دولار.

4-   جاريث بيل

لاعب ريال مدريد، الويلزي جاريث بيل، مأمن على رجله الشمال ببوليصة تأمين بـ 126 مليون دولار.

كاسياس قرر يحصل على بوليصة تأمين على ايديه بـ 10 مليون دولار 

5-   إيكر كاسياس

الحارس الإسباني العملاق إيكر كاسياس، واحد من أفضل الحراس في العالم، واللي اعتزل في أغسطس 2020 قرر إنه في 2007 وفي عز تألقه يحصل على بوليصة تأمين على ايديه بـ 10 ملايين دولار

6-   مانويل نوير

الأسطورة الحية الألماني مانويل نويل، حارس مرمى بايرن ميونخ، وواحد من أفضل الحراس في تاريخ اللعبة مأمن على ايديه سنة 2014 بحوالي 3.5 مليون دولار.
 

انت كمان لو بتخاف على نفسك ممكن تأمن دلوقتي ضد الحوادث الشخصية من خلال فايدتي من مكانك!